Charter Document - 07330233
| Charter Number: | 07330233 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1279 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
[A]lexander Dei gratia rex Scottorum omnibus probis hominibus suis ad quos presentes littere peruenerint salutem Sciatis nos concessisse et hac presenti carta nostra confirmasse donacionem illam quam Johannes Cumyn dominus de Rulebethok fecit Deo et beato Kentegerno ac ecclesie Glasg et venerabili patri Roberto Glasg episcopo ac successoribus suis Glasg episcopis inperpetuum de tota terra de Rulehalch cum pertinenciis ex aquilonali parte aque de Teuyoth Tenendam et habendam eidem Roberto episcopo Glasg et successoribus suis episcopis Glasg inperpetuum in liberam puram et perpetuam elemosinam per omnes rectas diuisas suas et cum omnibus iustis pertinenciis suis Adeo libere quiete plenaria et honorifice sicut carta predicti Johannis Cumyn eidem Roberto episcopo inde confecta plenius iuste testatur Testibus Patricio comite de Dunbar Hugone de Abernyth Willelmo Cumyn de Kilbryde Simone Fraser et Willelmo de Sancto Claro Apud Dumfres xix die Julii anno regni nostri xxxi