Charter Document - 07330201
| Charter Number: | 07330201 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1253 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Sciant presentes et futuri nos concessisse et hac carta nostra confirmasse donacionem illam quam Isabella de Valloniis domina de Killebrid fecit pro salute anime sue parentum et successorum suorum et pro anima Dauid comitis mariti sui Deo et beato Kenteg et ecclesie Glasg de quindecim libratis terre in feodo de Kirkepatric scilicet de tota foresta sua que vocatur Dalkarn prout extenta fuit die huius donacionis uel secundum visum proborum virorum extendi poterit si venerabilis pater Willelmus episcopus Glasg hoc elegerit Ita videlicet quod si quid deerit de quindecim libratis terre in terra predicta de Dalkarn dicta Isabella illud ei assignabit in proxima terra sua eidem terre coniuncta in loco competenti Tenendas et habendas dicte ecclesie Glasg et predicto episcopo et successoribus suis inperpetuum in liberam puram et perpetuam elemosinam ita libere quiete plenaria et honorifice sicut carta domine Isabelle et confirmacio Johannis de Balliolo eis inde plenius confecte iuste testantur saluo seruicio nostro Testibus Matthaeus abbate de Melros Willelmo comite de Mar camerario Roberto de Ros Waltero de Morauia Eymero de Maxwelle et Ricardo Mariscallo Apud Rokeburg xii die Nouembris anno regni nostri quinto