Charter Document - 07330107
| Charter Number: | 07330107 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1212 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei gratia Rex Scottorum Justiciis Baronibus vicecomitibus ministris Francis et Anglis Scottis et Galwiensibus et Walensibus et omnibus ecclesie Sancti Kentegerni de Glasgu et eiusdem episcopi parochianis salutem Quoniam diuina prouidencia nos in regno nostro clero et populo preesse uoluit utriusque excessus emendare et saluti potestate tradita prouidere nobis necesse est unde dominica institucione et sancte Romane ecclesie matris nostre et domini pape hortatu ac precepto commoniti omnibus uobis regia auctoritate mandamus hortamur et precipimus in Domino quatinus episcopo vestro et archidiacono eorumque ministris debitam obediencie reuerenciam exhibeatis decimasque vestras et cetera iura ecclesiastica ecclesiis vestris in omnibus plenaria et sine repugnancia persoluatis sicut per alios episcopatus regni nostri decimas plenius et melius dari precepimus scilicet de blado de lino et de lana de caseo et de buturo de agnis et de vitulis de porcellis de capellis et de pullis necnon et de ceteris non nominatis de quibus lex christiana decimam dari postulat Si uero aliquis vestrum quicquam recte decime sue temere detinere presumpserit vicecomes noster de eo capiat foris factum nostrum scilicet duodecim vaccas Si uero vicecomes illi consenserit aut propriam decimam detinuerit Justiciarius noster de ipso vicecomite foris factum nostrum capiat decimasque detentas ecclesiis plenaria solui faciat ne pro defectu iusticie querela ad nos perueniat Testibus Willelmo de Boscho cancellario nostro Philippo de Valoniis camerario nostro Hugone de sigillo clerico nostro Alexandro vicecomite de Strivelin Ricardo filio Hugonis Roberto de Camera Ricardo Reuel Apud Striuelin vj die Julii