Charter Document - 07330092
| Charter Number: | 07330092 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1201 - 1202 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei gratia Rex Scott[orum] episcopis abbatibus comitibus baronibus justiciis vicecomitibus prepositis ministris et omnibus probis hominibus totius terre sue clericis et laicis salutem Sciant presentes et futuri me ad incrementum trium marcarum quas dederam tempore Jocelini episcopi Glasguensis ad sustentationem unius diaconi et unius subdiaconi in ecclesia de Glasgu tempore Willelmi episcopi eiusdem loci dedisse et concessisse et hac carta mea confirmasse Deo et ecclesie Beati Kentegerni et predictis diaconis et subdiaconis in ecclesia de Glasgu servituris alias tres marcas de firma burgi mei de Rutherglen ita ut ipsi secundum statuta ecclesie de Glasgu decenter et ordinate incedant cum superpelliciis et nigris cappis sicut alii vicarii incedunt tenendas et habendas in liberam puram et perpetuam elemosinam ita libere quiete et honorifice sicut aliqua elemosina liberius et quietius et honorificentius in toto regno meo tenetur et possidetur Quare precipio prepositis meis de Rutherglen ut singulis annis predictas sex marcas eisdem clericis in ecclesia Beati Kentegerni pro me et Alexandro filio meo servientibus et servituris in omni distributione habere faciant ad duos anni terminos scilicet tres marcas ad Pentecosten et tres marcas ad festum Sancti Martini et prohibeo firmiter ne prefate sex marce ultra terminos suos prescriptos eis detineantur super meam plenarium foris facturam Testibus Philippo de Valoniis camerario meo Waltero et Willelmo capellanis meis Willelmo Cumin Gervasio Avenel Willelmo Giffard Thoma de Colevill Dauid de Haia Alexandro filio Thore Philippo de Lundin Thoma de Chart[r]es Rogero de la Kerneille Rogero de Wilton Apud Edeneburg j die Aprilis