Charter Document - 07330076
| Charter Number: | 07330076 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1195 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum omnibus probis hominibus tocius terre sue clericis et Laicis salutem Necessitati Glasguensis ecclesie pietate debita compacientes et eam Summi Regis et sanctissimi Kentegerni confessoris intuitu deuocione non modica diligentes desolacioni ipsius curam uolumus consolacionis adhibere et eam quoad possumus regie protectionis munimine confouere Quoniam autem mater multarum gentium exilis antehac et angusta ad honorem Dei ampliari desiderat et preterea in hiis diebus nostris igne consumpta ad sui reparacionem amplissimis expensis indigens et nostrum et plurium proborum hominum subsidium expostulat fraternitatem quam ad eius constructionem venerabilis Jocelinus eiusdem ecclesie episcopus de consilio abbatum priorum et alterius cleri episcopatus sui constituit Deuote recipimus et regie concessionis munimine usque ad ipsius ecclesie perfectionem confirmamus et omnes eiusdem fraternitatis collectores et ad eius fabricam auctoritate Episcopi et capituli ipsius ecclesie auxilium postulantes in nostra firma pace et protectione suscipimus omnibus Balliuis nostris et ministris firmiter precipientes ut eos ubique in Regno nostro protegant et manu teneant et destricte prohibentes ne quis eis iniuriam violenciam aut contumeliam aliquam inferat super nostram plenarium foris facturam Testibus Hugone cancellario nostro Archenbaldo Abbate de Dunfermelin Willelmo de Lindes iusticia Philippo de Valonia Apud Rokesburg