Charter Document - 07330070
| Charter Number: | 07330070 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1191 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum Justiciis Baronibus Vicecomitibus ministris Francis et Anglicis Scottis et Galwiensibus et Walensibus et omnibus ecclesie Sancti Kentegerni de Glasgu et eiusdem episcopi parochianis salutem Quoniam diuina prouidencia nos in Regno nostro clero et populo preesse uoluit utriusque excessus emendare et saluti potestate tradita prouidere nobis necesse est unde dominica institucione et sancte Romane ecclesie matris nostre et domini pape hortatu ac precepto commoniti omnibus vobis Regia auctoritate mandamus hortamur et precipimus in Domino quatinus episcopo vestro et Archidiacono eorumque ministris debitam obediencie reuerenciam exhibeatis Decimasque vestras et cetera iura ecclesiastica ecclesiis vestris in omnibus plenaria et sine repugnancia persoluatis sicut per alios episcopatus Regni mei Decimas plenarium et melius dari precepi Scilicet de Blado de Lino et Lana de Caseo de Butiro de Agnis de vitulis de porcellis et de capellis de pullis Necnon et de ceteris omnibus non nominatis de quibus Lex Christiana decimam dari postulat Si uero aliquis vestrum quicquam recte decime sue temere detinere presumpserit vicecomes meus de eo capiat foris factum meum scilicet duodecim vaccas Si uero vicecomes illi consenserit aut propriam decimam detinuerit Justicia mea de ipso vicecomite foris factum meum capiat Decimasque detentas ecclesiis plenaria solui faciat ne pro defectu iusticie querela ad me perueniat Testibus Roberto de Brus Roberto de Quinci Hugone Ridel Waltero de Windesour Johanne de Vallibus Apud Jedewurth