Charter Document - 07330069
| Charter Number: | 07330069 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1186 - 1187 |
| Date type: | Assigned |
| Resource Link(s): |
People of Medieval Scotland |
Charter:
Urbanus Episcopus seruus seruorum Dei venerabili fratri Glasguensi Episcopo salutem et Apostolicam benedictionem Cum Ecclesia tua sacrosancte Romane Ecclesie sit nullo mediante specialis et te sicut uirum honestum et prouidum sincere charitatis brachiis amplexemur fraternitati tua gratanter concedimus quod aliquibus salua consciencia possumus indulgere Ea propter tibi et clericis tuis specialiter duximus concedendum ut ad nullius umquam iudicium uel examen extra regnum Scotie quarumlibet litterarum obtentu nisi ad sedem Apostolicam pro hiis dumtaxat negotiis que in regno commode terminari non possunt traharis in curiam excepto si legatus a latere Romani Pontificis destinatus in contigua prouincia moraretur Quicquid etiam libertatis uel immunitatis aut specialis indulgentie tibi uel Ecclesie tue a predecessoribus nostris est indultum firmitatem perpetuam habere decernimus et eidem Ecclesie auctoritate Apostolica confirmamus et presentis scripti patrocinio communimus ita etiam quod si quid in libertatum tuarum uel Ecclesie tue seu priuilegiorum tuorum preiudicium a sede Apostolica apparuerit nisi ex certa scientia impetratum nullam habeat firmitatem Nulli ergo omnino hominum liceat hanc paginam nostre concessionis et confirmacionis infringere uel ei ausu temerario contraire Siquis autem hoc attemptare presumpserit indignacionem omnipotentis Dei et beatorum Petri et Pauli apostolorum Eius nouerit se incursurum Data Verone v kalendas Julij