Charter Document - 07330039
| Charter Number: | 07330039 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1175 - 1178 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum Episcopis Abbatibus Comitibus Baronibus Justiciis vicecomitibus ministris et Omnibus probis hominibus totius terre sue Clericis et laicis Salutem Sciant presentes et futuri me pro excessibus a me et a meis pro me Sancto Kentegerno et ecclesie Glasguensi post decessum Engelrami Episcopi illatis dedisse et concessisse et hac carta mea confirmasse Deo et Sancto Kentegerno et ecclesie Glasguensi et Jocelino Glasguensi episcopo et uniuersis episcopis eiusdem Jocelini successoribus ad incrementum episcopatus de Glasgu Balain per rectas diuisas suas tenendam in liberam et perpetuam elemosinam in bosco et plano in terris et aquis in pratis et pascuis et Omnibus iustis pertinentiis suis ita libere et quiete plenaria et honorifice sicut alias tenuras eiusdem episcopatus liberius quietius plenius et honorificentius tenent Teste et concedente Dauid fratre meo Waltero de Bidun Cancellario Johanne abbate de Kelcho Ricardo de Moruill constabulario Roberto de Brus Willelmo de Veteri Ponte Galfrido de Maleuill Justitia Willelmo de Lindeseia Philippo de Valuins Roberto filio Wernebald Herberto de Macuswell Eadwad Delstalrich Roberto de Berchelei Roberto de Boseuill Adam de Stanford Iuone de Crossib Apud Linlidqu