Charter Document - 07330037

Alexander Episcopus Servus Servorum Dei venerabili fratri Jocelino Glasguensi Episcopo salutem et Apostolicam benedictionem Affectum deuocionis et fidei unius cuiusque diligenti studio attendere et pensare nos conuenit merita singulorum et omnibus prout necesse est de abundanti Apostolice sedis clementia prouidere Considerantes itaque sincerissimam fidem et deuocionem quam tu et ordo Cisterciensis de quo assumptus es circa sacrosanctam Romanam Ecclesiam et circa nos ipsos constantissime agitis et cupientes tibi prerogatiuam exhibere dilectionis et gratie ac speciali te decorare priuilegio libertatis presenti scripto statuimus et arctius auctoritate Apostolica prohibemus ne cui liceat [nisi] Romano Pontifici uel legato ab eius latere destinato in te uel in Ecclesiam Glasguensem tempore uite tue interdicti suspensionis uel excommunicacionis sententiam promulgare Decernimus ergo ut nulli fas sit hanc paginam nostre constitutionis infringere uel ei aliquatenus contraire siquis autem hoc ausu temerario presumpserit indignacionem omnipotentis Dei et beatorum Petri et Pauli Apostolorum Eius se nouerit incursurum Datum Ferentinum xviij kalendas Aprili