Charter Document - 07330035
| Charter Number: | 07330035 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1174 |
| Date type: | Assigned |
| Resource Link(s): |
People of Medieval Scotland |
Charter:
Alexander Episcopus servus servorum Dei dilectis filiis Abbati de Jothguerth et aliis Abbatibus in patrimonio beati Kentegerni constitutis ad Ecclesiam Glasguensem spectantibus salutem et Apostolicam benedictionem Ex litteris karissimi in Christo filii nostri Willelmus illustris Scottorum Regis et quorundam Episcoporum regni sui necnon etiam decani et capituli Glasguensis Ecclesie auribus nostris innotuit quod decanus et canonici defuncto Glasguensi Episcopo dilectum filium nostrum Jocelinus Malrosensem abbatem in Episcopum suum unanimiter elegerunt Cuius quidem electionem multorum religiosorum uirorum testimonio cognoscentes fuisse canonice celebratam eam auctoritate Apostolica confirmauimus mandantes eidem electo consecrationis munus impendi si intolerabile sibi uisum fuerit ad presentiam nostram uenire Ideoque uniuersitati uestre per Apostolica scripta precipiendo mandamus quatinus predicto electo cum ad uos Domino largiente redierit consecratus illam obedientiam et reuerentiam quam Jocelinus antecessori suo exhibuistis occasione et appellatione cessante exhibeatis ita quod de obedientie uirtute possitis apud Deum et homines commendabiles apparere Alioquin sententiam quam ipse propter hoc rationabiliter in uos promulgauerit auctore Domino ratam et firmam habebimus Data Ferentini xvii kalendas Januarij