Charter Document - 07330029
| Charter Number: | 07330029 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1166 - 1170 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Rex Scott[orum] uniuersis episcopis Abbatibus Comitibus Baronibus Justitiis vicecomitibus prepositis ministris Cunctisque aliis probis hominibus totius terre sue Francis et Anglis Scotis et Galweinsibus Salutem Sciant Clerici et laici presentes et posteri me dedisse et hac carta mea confirmasse Deo et Sancto Kentegerno et Episcopatui Glasguensi Conclud et Cader et Badermonoc cum uniuersis earundem terrarum pertinentiis et diuisis pro salute anime mee et pro animabus antecessorum meorum omnium et successorum et nominatim pro animabus regis Dauid aui mei et comitis Henrici patris mei et regis Malcolm fratris mei qui easdem terras prenominato episcopatui dedit et concessit in elemosinam perpetuam liberas et quietas et solutas ab omni seruitio et consuetudine et seculari exaccione et omnium hominum calumpnia sicut aliqua elemosina in regno meo liberius et quietius possidetur Dauid fratre meo idem ex parte sua plenaria concedente et hoc coram me confitente Testibus hiis Johanne abbate de Kelcho Osberto abbate de Jedd Comite Waldeuo Comite Duncano Ricardo de Moruill constabulario Ricardo capellano Philippo camerario Dauid Olifard Willelmo de Veteri Ponte Philippo de Coleuill Gilleberto filio Richerii Willelmo de Haia pincerna Gilleberto de Umframuill Apud Striuelin