Charter Document - 07330027
| Charter Number: | 07330027 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1166 - 1179 |
| Date type: | Assigned |
| Resource Link(s): |
People of Medieval Scotland |
Charter:
Alexander Episcopus servus servorum Dei dilectis filiis Abbatibus Prioribus et aliis Glasguensi Episcopatu presentationes ecclesiarum habentibus salutem et Apostolicam benedictionem In eo sumus loco et officio Diuina donante gratia constituti ut pro ecclesiarum statu satagere debeamus et que de auaritie radice procedunt ab ecclesiis penitus exstirpare Inde est quod uniuersitatem uestram monemus mandamus atque precipimus quatinus in ecclesiis quas in prescripto Episcopatu habetis venerabili fratri nostro Episcopo uestro ut ab eo curam suscipiant animarum si nondum presentastis personas ydoneas presentare curetis et census in eisdem ecclesiis institutos secundum eiusdem Episcopi prouidentiam ad tantam saltem moderacionem reducere studeatis quod seruientes ibidem neces saria possint decenter secundum ecclesie facultatem percipere et episcopalia onera supportare et hospitalitatis officia exercere Alioquin non erit nobis molestum sed gratum si ad que precepimus Episcopus uos pontificali auctoritate duxerit compellendos Data Lateran vi kalendas Maij