Charter Document - 07330017
| Charter Number: | 07330017 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1161 |
| Date type: | Assigned |
| Resource Link(s): |
People of Medieval Scotland |
Charter:
Alexander Episcopus servus servorum Dei dilectis filiis Galwelensibus et aliis in episcopatu Glasguensi constitutis Salutem et apostolicam benedictionem Grave delictum incurrunt et merito timere possunt periculum animarum qui sacris Dei ecclesiis de decimis et aliis justiciis suis respondere contempnunt Quapropter universitatem vestram per apostolica scripta monemus atque mandamus quatinus ecclesiis in quarum parochiis habitatis juxta commonicionem venerabilis fratris nostri Glasguensis episcopi decimas que de canonico jure debentur sine contradictione cum integritate solvatis ne eas de cetero in hac parte fraudare temptetis Quod si monitis apostolicis duxeritis resistendum indignationem poteritis formidare divinam et sententiam quam idem episcopus canonice tulerit in rebelles a nobis noveritis auctoritate divina ratam habendam Data Lat[eran] viii Kalendas Julii