Charter Document - 07330012
| Charter Number: | 07330012 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1153 - 1156 |
| Date type: | Assigned |
| Resource Link(s): |
People of Medieval Scotland |
Charter:
M[alcolmus] Dei gratia Rex Sco[t]torum Episcopis Abbatibus Comitibus Baronibus Vicecomitibus Ministris clericis et laicis et Omnibus hominibus tocius terre sue Francis et Anglicis Scotis et Galweiensibus Salutem Sciatis me dedisse et concessisse pro anima Dauid Regis aui mei et Henrici Comitis patris mei et pro salute anime mee et fratrum et sororum mearum et omnium antecessorum et successorum meorum in liberam et perpetuam Elemosinam Ecclesie Sancti Kentegerni de Glasgu et Herberto Episcopo eiusque successoribus Ecclesiam de ueteri Rokesburc cum omnibus appenditiis suis in Capellis et Parochiis in terris et aquis in pratis et pascuis sicut Ascelinus Archidiaconus eam umquam melius quietius et honorificentius tenuit et possedit tempore Dauid regis aui mei et Henrici Comitis patris mei et tempore Johannis episcopi et meo tempore ita libere et quiete sicut aliqua elemosina liberius et quietius possit dari uel concedi Similiter do et concedo predicte Ecclesie Glasguensi et Herberto episcopo eiusque successoribus in liberam et perpetuam Elemosinam Capellam de castello meo in Rochesburc et unam carucatam terre eidem capelle pertinentem cum parochia et decimis et oblacionibus et ceteris Ecclesiasticis rectitudinibus et dignitatibus ita libere et quiete et honorifice sicut Adam capellanus eandem capellam umquam melius et honorificentius tenuit tempore Dauid regis aui mei et Henrici comitis patris mei et tempore Johannis Episcopi et meo tempore Volo itaque et firmiter precipio ut predicta Ecclesia Glasguensis prenominatas elemosinas ab omni exactione liberas et quietas teneat et possideat Testibus Willelmo Comite fratre meo illud idem concedente et Adam Comitissa matre mea Willelmo episcopo de Morau Ernaldo Abbate de Chelc Osberto Abbate et toto conuentu [de] Jedde Galtero de Bidun Cancellario Regis Cospatricio Comite Herberto Camerario Ascelino Archidiacono Ingelramo clerico Ricardo capellano Regis Adam Capellano de castello Rochebur et Nicholao clerico fratre suo Willelmo de Sumeruilla Dauid Olifard Gileberto de Umframuilla Ricardo de Morouillad Willelmo de Lindesh Waltero de Riedale Orm filio Ellaf et Johanne filio eius