Charter Document - 07320001
| Charter Number: | 07320001 |
|---|---|
| Cartulary Title: | Argyll and the Isles in the Earlier Middle Ages |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1243 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus tocius terre sue salutem Noueritis nos compaciendo paupertati episcopatus Ergadensis diuine caritatis intuitu dedisse concessisse et hac presenti carta nostra confirmasse Deo et episcopatui Ergadie et episcopis ibidem canonice elegandis ecclesiam de Kilican in Kentyr cum omnibus terris obuentionibus libertatibus et aliis pertinenciis ad eandem ecclesiam iuste spectantibus tenendam et habendam eisdem in liberam puram et perpetuam elemosinam ita libere quiete plenaria et honorifice sicut aliqua ecclesia alicui episcopatu in regno nostro collata liberius quiecius plenius et honorificencius tenetur vel possidetur Testibus venerabilibus patribus Willelmo et Galfrido Glasguense et Dunkeldense episcopis Waltero Cumyn comite de Meneteith Dauid de Lyndesay iusticiario Lawdonie Johanne de Wallibus Apud Edinburgh decimo die mensis Nouembris anno regni domini Regis vicesimo nono