Charter Document - 07310341
| Charter Number: | 07310341 |
|---|---|
| Cartulary Title: | Registrum de Dunfermelyn |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1314 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue tam clericis quam laicis salutem Sciatis nos pro salute anime nostre et pro salute animarum omnium antecessorum et successorum nostrorum regum Scocie dedisse concessisse et hac presenti carta nostra confirmasse Deo et ecclesie sancte Trinitatis de Dunfermelyn et monachys ibidem Deo seruientibus et in perpetuum seruituris ecclesiam de Kynros cum capella de Vrwell vna cum terris et ceteris pertinenciis suis Tenendam et habendam dictis religiosis et eorum successoribus in perpetuum in liberam puram et perpetuam elemosinam adeo libere et quiete plenaria et honorifice cum omnibus libertatibus commoditatibus aysiamentis et iustis pertinenciis suis sicut aliqua ecclesia in regno Scocie per nos aut predecessores nostros aliquibus in perpetuam elemosinam concessa liberius seu quiecius tenetur aut possidetur saluo iure rectoris qui nunc est donec cedat vel decedat aut aliquo casu inhabilem se reddiderit pro beneficio illo optinendo In cuius rei testimonium presenti carte nostre sigillum nostrum precepimus apponi Testibus Bernardo abbate de Abbyrbrothoc cancellario nostro Edwardo de Brus comite de Carrik et domino Galwidie fratre nostro Thoma Ranulphy comite Morauie nepote nostro Waltero senescallo Scocie Jacobo de Duglas Johanne de Meneteth et Roberto de Keth marescallo nostro Scocie militibus Apud Cambuskyneth xiiii die Nouembris anno regni nostri nono