Charter Document - 07310088
| Charter Number: | 07310088 |
|---|---|
| Cartulary Title: | Registrum de Dunfermelyn |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1277 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum filius Alexandri illustris regis Scottorum omnibus probis hominibus tocius terre sue salutem Sciant presentes et futuri nos concessisse et hac presenti carta nostra confirmasse Deo et ecclesie sancte Trinitatis de Dunfermelyn et monachis ibidem Deo seruientibus et in perpetuum seruituris donacionem illam quam pie memorie Alexander rex Scottorum pater noster eisdem fecit de terra de Dolar in feodo de Clacmanan in excambium elemosinarum quas predicti monachi de Dunfermelyn percipere consueuerunt in dominiis nostris de Kyngorn et de Karal tam in frumento farina auene braseo prebenda quam in denariis et similiter in excambium rectitudinum quas percipere consueuerunt in coquinis nostris et regine sponse nostre Tenendam et habendam eisdem monachis in liberam et perpetuam elemosinam per easdem rectas diuisas et consuetudines per quas dictus pater noster eosdem monachos de dicta terra de Dolar infeodauit libere quiete plenaria et honorifice faciendo forinsecum seruicium quod pertinet ad dictam terram de Dolar Testibus Willelmo abbate de Abyrbrothoc Johanne priore Sancti Andree Dauid de Louchor Johanne de Lambyrton Henrico de Dundemor Thoma de Clenhill Willelmo Byseth militibus apud Cupyr in Fyf decimo die Martii anno regni nostri vicesimo octauo