Charter Document - 07310087
| Charter Number: | 07310087 |
|---|---|
| Cartulary Title: | Registrum de Dunfermelyn |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1278 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Sciant presentes et futuri nos dedisse concessisse et hac carta nostra confirmasse Deo et monasterio beate Margarite regine de Dunfermelyn et monachis ibidem Deo seruientibus et inperpetuum seruituris totam illam medietatem terre de Beth Waldef que quondam fuit Johannis de Strathethyn filii et heredis quondam Ranulphi de Strathechyn militis quam de nobis et progenitoribus nostris idem Johannes et predecessores sui iure hereditario tenuerunt cum omnibus hominibus ligis ad dictam terram pertinentibus et cum omnibus pertinentiis et rectitudinibus ad eandem terram pertinentibus Quam quidem medietatem terre de Beth Waldef idem Johannes de Strathechyn nobis die Sabbati proxima post festum sancti Dunstani archiepiscopi in mense Maio anno gratie MCCLXX octauo apud Castrum Puellarum de Edenburg in camera nostra que dicitur camera beate Margarite regine per fustum et baculum pro se et heredibus suis reddidit resignauit et quietam clamauit et omni iuri et clamo quod habuit uel habere potuit in perpetuum renunciauit coram Willelmo de Sancto Claro tunc vicecomiti de Edenburg Johanne de Lyndes camerario nostro Ricardo de Stratun Willelmo Byseth Patricio de Lemeton clerico nostro de liberatione magistro Johanne de Muxilburg clerico nostro de prebenda Willelmo de Caraumund clerico de warderoba Willelmo clerico tunc constabulario castri de Edenburg Johanne de Rames Symone de Eskendi Symone de Leselly Randino de warderoba Alexandro de Melgedrum Alano de Walchoup Willelmo de Morauia Willelmo de Maistertun Thoma de Logyn Alano de camera et aliis fide dignis Tenendam et habendam eisdem monachis in liberam et perpetuam elemosinam libere quiete plenaria et honorifice per easdem diuisas et rectitudines per quas idem Johannes et antecessores sui eandem terram tenuerunt uel tenere debuerunt faciendo forinsecum quantum ad dictam terram pertinet Et si alique carte seu etiam aliqua instrumenta inueniantur que predictis monachis nocere poterunt uel obuiare volumus et decernimus quod omnino iuribus careant in perpetuum cassa fuit irrita et uacua et de cetero nullius ualore existant Testibus magistro Willelmo Fraser cancellario nostro Johanne de Lindes camerario nostro Willelmo episcopo Sancti Andree Roberto episcopo Glasguens Alexandro Cumin comite de Buchan Patricio comite de Dunbar Roberto comite de Carr Willelmo de Sulys Dauid de Louchor Willelmo Cumin de Kylbrid Symone Fraser Willelmo de Sancto Claro Patricio de Gram et multis aliis apud Rokesburg secundo die Octobris anno regni nostri tricesimo