Charter Document - 07310081

In nomine sancte Trinitatis ego Alexander Dei gratia rex Scottorum filius Alexandri illustris regis Scottorum auctoritate regia ac potestate episcoporum comitum baronumque regni mei consensu atque testimonio clero etiam adquiescente et populo ecclesie sancte Trinitatis de Dunfermelyn predecessorum meorum pietatis studio et largitionis initiate omnia subscripta concedo et pace perpetua confirmo attaui itaque mei regis Malcolmi et regine eiusdem bone memorie Margarete dona subsequencia propono hec scilicet Pardusin Petnarcha Petbachlakin Petcorthin Lauer Bolgin sciram de Kercaledin Inuirese minorem dona Duncani regis duas uillas nomine Luscher de dono Edgari regis sciram de Gelland de dono Etheldredi Hales de dono Alexandri regis Primros sciram de Gatmilk Petconmarthin Belecherin Drunbernin Cleth de dono Sybille regine Beth hec predicta predecessorum meorum dona concedo liberaliter prefate ecclesie cum omnibus appendiciis suis et rectis diuisis de dono abaui mei excellentissimi regis Dauid Dunfermelyn citra aquam in qua ecclesia sita est eadem Kyngorn cum suis appendiciis qui propinquior est Dunfermelyn Foeth Inuiresk maiorem et molendinum et piscinam et Smetheby et Crebarrin et ecclesiam de Inueresk et Wymeth cum suis rectis diuisis et Fothros iuxta Sanctum Andream cum suis rectis diuisis et Pethenac cum rectis suis diuisis et vnam carucatam terre Petioceher et Nithebren cum suis appendiciis et Balcristyn cum suis rectis diuisis in pratis et pascuis excepta rectitudine quam celle dei inde habere debent cum omnibus rebus iuste ad eam pertinentibus sicut date fuerunt predicte ecclesie in dotem ab abauo meo regie Dauid die qua dedicata fuit Et preterea vnam mansuram in Berwych aliam in Rokesburg aliam in Hadigton aliam in Edinburg aliam in Linchithcu aliam in Striuelyn et in eadem uilla duas ecclesias et vnam carucatam terre que adiacet ipsi ecclesie et omnem decimam meorum dominiorum in frugibus in animalibus et in piscibus de propriis retibus et eciam in denariis et decimam mei can tocius castrensis prouincie et mansiones Rogeri presbiteri ita plene sicut ipse sanus et incolumis tenuit Et vnum rete et dimidium et vnam mansionem in burgo de Dunfermelyn liberam et quietam et omnem decimacionem firme burgi et decimacionem molendini et de omnibus dominiis meis de Dunfermelyn et vnam mansionem in burgo de Perth et ecclesiam eiusdem uille et capellam de castello cum omnibus appendiciis utriusque et vnam mansionem que pertinet ipsi ecclesie et omnem decimam de dominio meo et omnem octauam partem de omnibus placitis et lucris meis de Fyf et de Fotherif et omnem decimam de auro quod mihi eueniet de Fyf et de Fotheryf et omnem decimam tocius mei can et brasei de Fyf et de Fotheryf exceptis rectitudinibus qui abbatie de Dunkeldyn pertinent Et decimam omnium uenacionum que capiuntur inter Lambirmor et Thaei et medietatem omnium coriorum et saporum et sagi minis omnium bestiarum que occidentur ad festiuitates tenendas de Striuelyn et inter Forth et Thaie et ut habeant in nemoribus meis omnia necessaria ad ignem et ad edificia sua sicut ego ipse et homines eorum sicut et mei et ut omnes oblaciones que ad maius altare eiusdem ecclesie offerentur sine calumpnia liberaliter habeant et de selyhes que ad Kyngorn capientur postquam decimati fuerint omnes septimos selyhes habeant salis quoque et ferri quod ad opus meum ad Dunfermelyn allata fuerint omnem decimam concede Et parochiam totam Fotheref et in Berwyc tractum de Aldstel et omnem quod ei iuste pertinet Prohibeo eciam ne aliquod nam capiatur super terram uel super homines sancte Trinitatis pro forisfacto alicuius nec pro proprio forisfacto eorum Concedo eciam quod iuste reddantur ecclesie sancte Trinitatis omnes serui sui quod attauus meus et abauus meus Dauid et fratres sui ei dederunt et omnes sui cumelahe a tempore Edgari regis usque nunc cum tota pecunia sua ubicumque inueniantur Et prohibeo super meum foris factum ne iniuste retineantur et ut habeant omnes homines cum omni pecunia eorum in cuiuscunque terra fuerint qui fuerunt in terris die qua fuerunt oblate et date ecclesie sancte Trinitatis et decimam de omnibus meis siluestribus equabus de Fif et de Fotherif Et ut habeant per totam terram meam teloneum quietum de cunctis rebus quas mercati fuerint ad propria eorum necessaria et passagium et nauem de Inuirkethin sicut habui in dominio meo tali conditione quod peregrinantes et nuncii ad me uenientes et a me redeuntes et homines curie mee transeant in eadem naui sine precio Et si contingat aliquem istorum sine precio transire non posse et abbas clamorem inde audieret et ille non emendauerit ego ipse illud emendabo sine abbatis et fratrum ecclesie molestia Et abbas et monachi ecclesie sancte Trinitatis non respondeant alicui calumnianti de hominibus qui fuerunt in terris die qua oblate et date fuerint ecclesie sancte Trinitatis Concedo eciam eidem ecclesie decimam tocius mei can de Clacman et ut citra Lambirmor in tota regia prestate singulis sabbatis in curia habeant vnum corium et si in sexto sabbatis duo coria et duas partes de sepo et sextam pellem arietum et agnorum et dimidiam partem decimi mei de Ergathyl et de Kentyr et quandam piscaturam apud Perth ita libere et quiete sicut meas ibi habeo De dono regis Malcolmi patrui patris mei Lethmacdunegilk cum suis rectis diuisis sicut magister Eilricus cementarius illam tenuit quam in die sepulture predicti abaui mei eidem ecclesie obtulit Et viginti et tria iugera terre et quodam pratum prope Dunfermelyn que prius in dominio suo habuit et quodcumque cete ex parte Scocie applicuerit seu captum fuerit totum capud preter linguam eidem ecclesie remaneat et dimidietatem tocius sagi minis omnium cetum qui capiuntur inter Forth et Thay ad luminaria coram altaribus ecclesie et omnes homines eorum sint liberi ab omni operacione pontium et castellorum et omnium aliorum operum Et ecclesiam sancte Trinitatis de Dunkeldyn cum terris ad illam pertinentibus et cum aliis rectis pertinenciis suis optinendam in perpetuam elemosinam post decessum Andree episcopi Catinensis pro salute anime mee et omnium predecessorum meorum cum omni libertate et rectitudine cum quibus idem episcopus eam unquam melius tenuit et dono regis Dauid possedit et vnum toft in Edinburg quod Robertus de Londoniis habuit et vnum plenarium toft cum crofto in villa de Clacman et ecclesiam de Kellyn et capellam de Abyrcrombin cum omnibus ad eas iuste pertinentibus Ex dono uero aui mei regis Willelmi redditum centum solidorum de firma burgi de Edinburg quos dedit in die exequiarum fratris sui regis Malcolmi et viginti acras terre et vnum toft in Dunfermelyn quas Walterus dapifer dedit concessione aui mei die sepulture predicti regis Malcolmi Omnia autem sicut prenominata sunt que a bonis antecessoribus meis scilicet rege Malcolmo et regina eiusdem bone memorie Margarita Duncano rege Edgaro rege Ethelredo fratre eius Alexandro rege Sybilla regina eiusdem Dauid excellentissimo Malcolmo rege Willelmo rege Alexandro rege ecclesie sancte Trinitatis de Dunfermelyn data concessa sunt et confirmata sicut in autenticis eorum scriptis continentur cum omni illa plenitudine et integritate auctoritate regia consilio proborum hominum meorum predicte ecclesie et fratribus ibidem seruientibus concedo et in perpetuum integra et illibata conseruanda confirmo Testibus Willelmo abbate de Abirbrothoc Johanne priore Sancti Andree magistro Willelmo Fraser cancellario nostro Dauid de Louchor Johanne de Lambirton Henrico de Dundemor Willelmo Byset Thoma de Clenhill Eduardo de Pethglassyn apud Cupir in Fyf decimo die Marcii anno regni nostri vicesimo octauo