Charter Document - 07310052
| Charter Number: | 07310052 |
|---|---|
| Cartulary Title: | Registrum de Dunfermelyn |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1165 - 1166 |
| Date type: | Assigned |
| Resource Link(s): |
People of Medieval Scotland |
Charter:
Willelmus Rex Scottorum episcopis abbatibus Comitibus Baronibus Justiciis vicecomitibus prepositis ministris ceterisque probis hominibus suis uniuersis salutem Sciant clerici et laici presentes et posteri me in liberam elemosinam concessisse et confirmasse Deo et ecclesie Sancte Trinitatis de Dunfermelin et monachis ibidem Deo seruientibus diuisam illam quam Rex Malcolmus frater meus eidem ecclesie fecit scilicet redditum c solidorum habendum sibi singulis annis de firma burgi mei de Edenburg quousque eundem redditum prefate ecclesie aliunde reddendum constituam Preterea concedo eidem ecclesie pro anima fratris mei xx acras terre et unum toftum in Dunfermelin liberas et quietas sicuti ceteras possessiones suas liberius et quiecius tenet quas Walterus filius Alani dapifer meus prefate ecclesie dedit ea die qua Rex Malcolmus frater meus ibidem sepultus fuit Testibus Andree episcopo Kat Matheo archidiacono Ricardo capellano Waltero filio Alani Dawid Olifard Philippo de Vallonis Bernardo filio Briani Waltero de Berkelai et Roberto de Berkelai Roberto filio Saulfi Apud Kingorn