Charter Document - 07310035

In nomine Sancte Trinitatis Ego Malcolmus Dei gracia Rex Scottorum auctoritate regia ac potestate Episcoporum Comitum baronumque regni mei confirmacione et testimonio clero etiam adquiescente et populo ecclesie Sancte Trinitatis Dunfermelin predecessorum meorum pietatis studio et largicionis iniciate omnia subscripta concedo et pace perpetua confirmo Ataui itaque mei Regis Malcolmi et Regine eiusdem bone memorie Margarite dona subsequencia propono Hec scilicet Pardusin Petnaurcha Petcorthin Petbahclachin Lauer Bolgin Scyram de Kircalethin Infrech minorem Dona Duncani regis duas uillas nomine Lusker Dona Edgari Regis Scyram de Gelland Dona Adelredi Hale Dona Alexandri regis Primros Scyram de Gatemilc Petconmarchin Balecherin Drumbernin Keth Dona Sibille regine Beeth Hec predicta predecessorum meorum dona concedo liberaliter prefate ecclesie cum omnibus suis appendiciis et rectis diuisis Dona denique aui mei excellentissimi Regis Dauid subsequuntur Dunfermelin scilicet citra aquam in qua eadem ecclesia sita est Kingoren cum suis appendiciis que propinquior est Dunfermelin Foeth Infrech maiorem et molendinum et piscinam et Smithebi et Crefbarri et ecclesiam de Infrech et Wymeth cum suis rectis diuisis et Fotheros iuxta Sanctum Andream cum suis rectis diuisis et Pethenach cum suis rectis diuisis et unam carucatam terre Petioker Preterea concedo pro salute anime mee et antecessorum meorum Nithbren cum suis appendiciis et Balecristine cum suis rectis diuisis in pratis et pascuis excepta rectitudine quam Keledei habere debent cum omnibus rebus ad eas iuste pertinentibus sicut date fuerunt predicte ecclesie in dotem ab auo meo rege Dauid die qua dedicata fuit Preterea do eidem ecclesie unam mansuram in Berwich aliam in Rokesburc aliam in burgo de Hadingtune aliam in Edenburc aliam in Linlidcu aliam in burgo de Striuelin et in eadem uilla duas ecclesias et unam carucatam terre que adiacet ipsi ecclesie et omnem decimam meorum dominiorum in frugibus et in animalibus et in piscibus de propriis recibus et eciam in denariis et decimam mei Canonicis tocius castrensis prouincie et mansiones Rogerii presbyteri ita plene sicut ipse sanus et incolumis tenuit et unum rete et dimidium et unam mansionem in burgo Dunfermelin liberam et quietam et omnem decimationem denariorum firme burgi et decimacionem molendini et de omnibus dominiis meis de Dunfermelin et unam mansionem in burgo de Pert et ecclesiam eiusdem uille et unam mansionem que pertinet ipsi ecclesie et omnem decimam de dominio meo Omnia autem dona predicta ita liberaliter et quiete prefate ecclesie concedo sicut ego terras meas proprias possideo defensione regni mei excepta et regali iusticia si abbas in curia sua aliqua negligencia de iusticia deciderit Concedo etiam omnem octauam partem de omnibus placitis et lucris meis de Fif et de Fotherif et omnem decimam tocius mei Canonicis et brasei de Fif et de Fotherif exceptis rectitudinibus que abbacie Dunkeld pertinent et decimam omnium venationum que capiuntur inter Lambremor et Tay et medietatem omnium coriorum et saporum et sagi minis omnium bestiarum que occidentur ad festiuitates tenendas in Striuelin et inter Forth et Tai Concedo etiam ut habeant in nemoribus meis omnia necessaria ad ignem et ad edificia sua sicut ego ipse et homines eorum sicut et mei Volo denique ut omnes oblaciones que ad maius altare eiusdem ecclesie offerentur sine calumpnia liberaliter habeant Et de Selichis que ad Kingorn capientur postquam decimati fuerint concedo ut omnes septimos selich habeant Salis quoque et ferri que ad opus meum ad Dunfermelin allata fuerint omnem decimam concedo Preterea atauus meus et regina sua dederunt ecclesie Sancte Trinitatis parochiam totam Fotherif et sic concedo Denique do et concedo in elemosinam in perpetuum eidem ecclesie tractum de Aldestelle et omne quod ei iuste pertinet Tractus iste datus est scilicet in Berwico liber et quietus Preter hec etiam prohibeo ne aliquod nam capiatur super terram vel super homines Sancte Trinitatis pro forisfacto alicuius nisi pro proprio forisfacto illorum Concedo etiam quod iuste reddantur ecclesie Sancte Trinitatis omnes serui sui quos attauus meus et auus meus Dauid et fratres sui ei dederunt et omnes sui Cumelachee a tempore Edgari Regis usque nunc cum tota pecunia sua ubicumque inueniantur et prohibeo super meum foris factum ne iniuste retineantur Concedo abbati et monachis ut habeant omnes homines cum omni pecunia eorum in cuiuscumque terra fuerint qui fuerunt in terris die qua fuerunt oblate et date ecclesie Sancte Trinitatis Concedo quoque prefate ecclesie decimam de omnibus meis siluestribus equabus de Fif et de Fotherif Concedo abbati et monachis ut habeant per totam terram meam teloneum quietum de cunctis rebus quas mercati fuerint ad propria eorum necessaria Preter ista supradicta dono et concedo abbati et monachis ut habeant singulis annis v marcas argenti ad uestimenta eorum de primis nauibus que venient ad Striuelin uel ad Perth Concedo etiam ecclesie Sancte Trinitatis passagium et nauem de Inurkethin sicut habui in meo dominio tali condicione quod peregrinantes et nuncii ad me venientes et a me redeuntes et homines curie mee transeant in eadem naui sine precio Et si contingat aliquem istorum sine precio transire non posse et abbas inde clamorem audierit et illud non emendauerit ut ego ipse illud emendare sine abbatis et fratrum ecclesie molestia possim Concedo et uolo quatinus abbas et monachi ecclesie Sancte Trinitatis non respondeant alicui calumnianti de hominibus qui fuerunt in terris die qua oblate et date fuerunt ecclesie Sancte Trinitatis Concedo etiam eidem ecclesie decimam tocius mei Canonicis de Clacmanan Abbas et monachi ecclesie Sancte Trinitatis citra Lambremor in tota regia potestate singulis sabbatis in curia habent unum corium et in sexto sabbato habent duo coria et duas partes de sepo et sextam pellem arietum et agnorum Et concedo eidem ecclesie dimidiam partem decimi mei de Ergeithil et Kentir eo scilicet anno quando ego ipse inde recepero Canonicis Concedo etiam prenominate ecclesie quandam piscaturam apud Perth ita libere et quiete sicut meas ibi habeo Ego quoque Malcolmus Rex Scottorum ex proprio dono supradicte ecclesie concedo pro salute anime aui mei Regis Dauid et aliorum predecessorum meorum et mee Ledmacduuegil in perpetuam elemosinam cum suis rectis diuisis sicuti Magister Alricus cementarius illam tenuit quam in die sepulture predicti aui mei eidem ecclesie donando concessi adeo libere et quiete sicuti aliqua ecclesia melius et liberius in tota terra mea tenet suas elemosinas Dono etiam eidem ecclesie xx et tria iugera terre et quoddam pratum prope Dunfermelin que prius in meo dominio habui Donando quoque concedo ut quodcumque cete ex parte Scocie applicuerit uelf siue captum fuerit in dominio meo totum capud preter linguam eidem ecclesie remaneat Supra taxatam autem ecclesiam cum omnibus que Dei donante clemencia in presenti sicut presens testatur priuilegium et optinet et in futuro eadem adquirere clemencia valebit in summe pacis tranquillitate et ab omni liberrimam tam secularis quam ecclesiastice potestatis subieccione et exaccionis inquietudine permanere decernimus excepta sola et canonica obediencia quam debet unaqueque matri sue per orbem ecclesia Cuius etiam iura in hoc priuilegio prenotata et dignitatis priuilegia in mutilata seruare et stabilitate perpetua firmare nos qui presentes sumus successoribus nostris sub hac condicione confirmando mandamus et mandando confirmamus ut siquis ea perturbare uoluerit et nostre diffinicionis statuta diuellere imminuere ac uiolare contenderit non ignoret se contra Ipsum mundi Saluatorem niti et ideo nisi resipuerit eterne damnacionis sentenciam incurrere eumque Deus de libro uite deleat qui ecclesie prefate de concesse potestatis iure aliquid abstulerit Amen Fiat Ego Robertus Sancti Andree episcopus confirmo Ego Herbertus Glascuensiss episcopus confirmo Ego Gregorius Dunkeldensis episcopus confirmo Ego Willelmus Moreuensis episcopus confirmo Ego Andreas Catenensis episcopus confirmo Ego Christianus Witernensis episcopus confirmo Huius etiam priuilegii testes et assertores sunt Walterus Cancellarius Hugo de Moreuill Walterus de Lyndeseia Gillebertus de Umfrauill Walterus filius Gilleberti Philippus de Coleuill Gospatricius filius Waldef Robertus Auenel Nicholaus clericus Dauid Olifard Alwynus filius Arkil Et de Comitibus Gospatricius comes Ferteth comes Duncanus Comes Morgund Comes Melcolmus comes Comes de Anegus