Charter Document - 07302001

Omnibus sancte matris ecclesie filiis presentibus et futuris clericis et Laicis Ricardus de Moruilla constabularius regni Scottorum Salutem Sciatis me dedisse et concessisse et hac mea carta confirmasse deo et beate marie et sancto Leonardo et infirmis fratribus hospitalis de Louueder pro salute anime mee et uxoris mee et heredum meorum et patris mei et matris mee et omnium antecessorum meorum et successorum meorum terram illam ubi domus hospitalis sita est per has diuisas scilicet a loco ubi Merburne cadit in Leder et sursum contra montem per Merburne usque ad vadum regie vie que venit de Louueder et tendit apud Birkenside Et exinde ultra eandem regiam viam uersus occidentem per easdem diuisas et metas per quas Johannes Episcopus glasguensis et Auicia uxor mea et Willelmus de Moruilla filius meus et Herbertus et Galfridus et ego decanus et Adam clericus et Adam Cellerarius de Melros et plures alii perambulauimus inter monachos et infirmos fratres Et deinde iterum in prefatam regiam viam et per eandem regiam viam usque ad vadum de milkesideburne et sic per idem milksideburne sursum ad inferiorem viuarium et totum illum inferiorem viuarium et sursum per riuulum illum qui cadit in eodem viuario usque ad capud calchei et deinde per sepem et per fossa tum illum deorsum quem domina fecit facere ad diuisas cognoscendas inter Louueder et terram quam eis dederam de territorio de Louueder usque ad prefatum riuulum de Milksideburn et per eundem riuulum deorsum usque ad inferiorem vadum et deinde per regiam viam sursum uersus louueder usque ad vivarium inter Louueder et hospitale et desub viuario usque ad Standenburne et deinde usque Harlauhill summitatem et sic in Leder et per Leder deorsum usque ad merburne cum communi pastura de morlei usque ad morleiheued Et terram de pilemor cum communi pastura et aisiamentis vicinorum suorum de Pilmor et Treuerbrun per eas diuisas per quas ego illam perambulavi scilicet per veterem fossatum qui est inter infirmos et Pilmor deorsum usque ad fossatum inter infirmos et Treuerbrun et deinde per viam que venit de Louueder et tendit apud Wedale et sic per quandam aliam viam que venit de Wedale et ascendendo tendit usque ad prefatum veterem fossatum Et preterea do iisdem fratribus omnes decimas predicte terre et hominum illam terram tenentium et seruorum illorum hominum si quid habuerint infra illam terram de quo decima vel decime elici possint et oblationes omnes et singulas et omnia jura ecclesiastica preter sacramentum baptismatis si quos infantes habuerint ad baptizandum propter quod sacramentum predictum hospitale dabit Annuatim ad festum Nativitatis beate Marie ecclesie de Louueder vnam libram incensi nullo addito volo autem quod sacerdos custos illius domus habeat plenam potestatem puniendi condo nandi expellendi corrigendi familiares suos et fratres et sorores et tenentes suos pro quibuscumque transgressionibus ad sanctam pertinentibus ecclesiam Et nolo quod sacerdos custos predicti hospitalis alicujus persone ecclesiastice aut secularis subjaceat jurisdictioni sed si contingat ipsum delinquere corrigatur per correctores Patroni vel per custodes aut magistros hospitalium qui sibi sunt propinquiores et sibi consimiles nichil de bonis hospitalis auferentes sed penam sibi injungentes sicut decet injungere sacerdoti Et preterea do eisdem fratribus decimam omnium victualium et rerum omnium et singularum que pertinent ad terras omnes et ad homines terras suas tenentes que spectant ad hospitale Et tam in cibis quam in potibus qui expenduntur in propriis domibus meis preter Ewingeh et totam terram et domum hospitalis quietam de omni decimatione Et concedo eisdem quietos esse de multura ad molendinum meum Louueder et locum molendi bladum suum proximo loco post bladum meum quotienscunque venerint ad molendinum si vero aliquis alius preter me bladum habeat super molendinum illo blado molito quod est super molendinum molent bladum suum et molito blado suo dabunt molendinario cibum suum vel pro cibo duos denarios et pro potu obolum si per totum diem et noctem moluerint quod si habuerint ad molendum per diem et noctem simul detur iis proportionaliter pro quantitate temporis Et si fratres habuerint familiares suos ad bladum suum levandum portandum Nichil dabunt garcionibus molendinarii nisi voluerint ex gracia Volo quod faber meus de Louueder fabricet omnia ferra carrucarum suarum et ea que ferro ad carucas suas pertinent sine omni pretio quod si facere renuerit per ballivos meos de Louueder ad predicta opera facienda Et do eisdem vnam trauam bladi de qualibet caruca de Valle de Louueder Preterea do eisdem viam ad plaustra sua euntia per medium terre monachorum de melros usque ad petarium de Milkeside adeo latam quod duo plaustra bene possint obviare ubi monachi et providimus scilicet de terra infirmorum usque ad le Lidyate et sic per viridem versus australem partem de petario hec omnia supradicta predictis fratribus seu quibuscunque fratribus aliis in locis infirmorum per lapsum temporis commorantibus do et concedo tenenda eis in puram et perpetuam elemosinam libere et quiete omni seculari seruitio et exactione Ita libere et quiete sicut aliqua elemosina liberius et quietius datur et possidetur infra regnum Scottorum Hiis testibus Willelmo de Moruilla filio meo Auicia vxore mea Herberto Thoma medico Clemente capellano meo Alano de Thirlestan Henrico de Sencler Petro de Haga Thoma clerico et aliis