Charter Document - 07301285
| Charter Number: | 07301285 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1255 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs hoc scriptum visuris vel audituris Alexander de Wallibus dominus de Dyrlton eternam in Domino salutem Noverit universitas vestra me divine pietatis intuitu concessisse et hac presenti carta mea confirmasse Deo et ecclesie sancte Marie de Driburgh et abbati et canonicis ibidem Deo servientibus ordinis Premonstratensis jus patronatus ecclesie de Golyn tenendum sibi inperpetuum et habendum in puram et perpetuam elemosinam pro salute anime mee et pro salute animarum patris mei et matris mee antecessorum et successorum meorum ita libere et quiete et plenaria sicut aliquis patronus in regno Scotie aliquod jus patronatus alicui ecclesie vel viris religiosis liberius quietius et plenius conferre potest Ego vero dictus Alexander et heredes mei predictam donationem meam prefatis abbati et canonicis de Driburgh contra omnes homines et feminas warantizabimus acquietabimus et inperpetuum defendemus Ut autem hec mea donatio concessio voluntas et confirmatio robur optineat perpetue firmitatis presentem [cartam] scribi feci et eam sigilli mei appositione roboravi Hijs testibus domino Roberto de Keith domino Henrico de sancto Claro domino Willelmo de Fenton domino Johanne de Fenton domino Alexandro de Seton domino Thoma de Hay militibus Waltero de Congilton Roberto filio Adam de Dyrlton Willelmo Surthus Patricio de Hyrmanston Nicholaio de May et multis alijs