Charter Document - 07301280
| Charter Number: | 07301280 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Innocencius episcopus servus servorum Dei dilectis filijs nostris de sancti Andree et de May sancti Andree dioecesis prioribus et archidiacono sancti Andree salutem et apostolicam bene dictionem Ex parte dilectorum filiorum abbatis et conventus de Driburgh Premonstratensis ordinis nobis oblata est querela quod Emericus clericus sancti Andree dioecesis super ecclesia de Laweder ad eorum monasterium de jure spectante ac rebus alijs injuriatur eisdem ideoque discretioni vestre per apostolica scripta mandamus quatinus partibus convocatis audiatis causam et appellatione remota sine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gracia odio vel timore subtraxerint per censuram eandem appellatione cessante cogatis veritati testimonium perhibere et si non omnes hijs exequendis potueritis interesse duo vestrum ea nihilominus exequantur Datum Lugduni decimo kalendas Aprilis pontificatus nostri anno tercio