Charter Document - 07301231
| Charter Number: | 07301231 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1221 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Honorius episcopus servus servorum Dei dilectis filijs archidiaconis sancti Andree et de May et de Dunfermlyng prioribus sancti Andree dioecesis salutem et apostolicam benedictionem Dilecti filij abbas et conventus de Driburgh Premonstratensis ordinis nobis humiliter supplicarunt ut diffinitivam sentenciam quam abbas de Jeddewod ac con judices ejus pro eis contra Willelmum de Herteford clericum Glasguensis dioecesis super capella de Glegern auctoritate nostra cognitis cause meritis promulgarunt apostolico dignaremur munimine roborare Quocirca discretioni vestre per apostolica scripta mandamus quatinus sentenciam ipsam sicut est justa faciatis per censuram ecclesiasticam appellatione remota firmiter observari quod si non omnes hijs exequendis potueritis interesse duo vestrum nihilominus exequantur Datum Lateran septimo idus Junij pontificatus nostri anno quinto