Charter Document - 07301135
| Charter Number: | 07301135 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1265 - 1271 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Alexander de Balliolo dominus de Caveris eternam in Domino salutem Noverit universitas vestra me caritatis intuitu pro salute anime mee et domini Gwido fratris mei et pro animabus omnium antecessorum et successorum meorum dedisse concessisse et hac carta mea confirmasse Deo et sancte Marie et abbati et conventui de Driburgh medietatem bosci de Gladiswod que quondam fuit domini Johannis de Wallibus et domine Deruorgille sponse sue cum medietate capitis ejusdem bosci et cum omnibus aysiamentis et libertatibus Tenendas et habendas sibi et successoribus suis de me et heredibus meis ad feodi firmam inperpetuum Reddendo inde annuatim mihi et heredibus meis quadraginta solidos sterlingorum medietatem videlicet ad Pentecosten et aliam medietatem ad festum sancti Martini in hyeme pro omni alio servitio seculari consuetudine sectis et de mandis Et ego Alexander et heredes mei totam medietatem predicti bosci cum medietate dicti capitis et cum omnibus libertatibus et pertinentijs suis dictis abbati et conventui contra omnes homines et feminas warantizabimus acquietabimus et defendemus inperpetuum Et si dictam medietatem bosci cum alijs predictis prefatis abbati et conventui warantizare non poterimus ego vel quicunque heredum meorum superstes fuerit solvam vel solvet dictis abbati et conventui infra mensem proximum post defectum warantie centum marcas sterlingorum bonorum et legalium cum omnibus dampnis et expensis vel incurrerint vel fecerint pro defectu warantie subjiciens me et heredes meos jurisdictioni cujuscunque judicis ordinarij qui per dictos abbatem et conventum fuerit interpellatus vel requisitus ut me vel heredes meos ad solutionem dictarum centum marcarum cum dampnis et expensis infra predictum terminum faciendam per censuram ecclesiasticam omni appellatione seu contradictione remota possit compellere In cujus rei testimonium presentibus sigillum meum apposui Testibus []