Charter Document - 07301084
| Charter Number: | 07301084 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1221 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Honorius episcopus servus servorum Dei dilectis filijs archidiacono sancti Andree et de May et de Dunfermlyne prioribus sancti Andree dioecesis salutem et apostolicam benedicti Querelam dilectorum filiorum abbatis et conventus de Driburgh Premonstratensis ordinis recepimus continentem quod abbas et conventus de Kilwenyne et quidam alij Glasguensis et sancti Andree dioecesis super ecclesia de Lauder ad eos de jure spectante ac rebus alijs injuriantur eisdem ideoque discretioni vestre per apostolica scripta mandamus quatenus partibus convocatis audiatis causam et appellatione remota sine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gracia odio vel timore subtraxerint per censuram eandem cessante appellatione cogatis veritati testimonium perhibere quod si non omnes hijs exequendis potueritis interesse duo vestrum ea nihilominus exequantur Datum Lateran vij idus Julij pontificatus nostri anno quinto