Charter Document - 07300315
| Charter Number: | 07300315 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1338 |
| Date type: | Internal, A.D., Calendar |
| Resource Link(s): |
|
Charter:
Omnibus hoc scriptum visuris vel audituris Rogerus filius et heres quondam Hutredi Pistoris burgensis ville de Roxburgh eternam in Domino salutem Noveritis me remisisse relaxasse et omnino de me et heredibus meis inperpetuum quietum clamasse domino Willelmo de Feltoun militi tunc vicecomiti de Roxburgh heredibus suis vel suis assignatis totum jus et clameum quod habui vel quoquomodo de jure habere potui in uno burgagio jacente in predicta villa de Roxburgh in vico de Kingistrete ex parte boreali inter burgagium quondam Johannis Flechyr ex parte orientali et burgagium Emme Keniliswise ex parte occidentali Quod quidem burgagium predictus Hutredus pater meus quondam cepit ad feodo firmam sibi et heredibus suis suisque assignatis de Agnete dicta Maunsell et heredibus suis inperpetuum ita quod nec ego prefatus Rogerus heredes mei nec aliquis alius per nos seu nomine nostro aliquid juris vel clamei in predicto burgagio nec in suis pertinentijs a die confectionis presentium exigere seu eciam vendicare poterimus inperpetuum sed per presentes fatemur nos omnino exclusos In cujus rei testimonium presentibus sigillum meum apposui Hijs testibus Alano de Mindrom tunc aldermanno de Roxburgh Bridino dicto Candelaue Thoma Vigurus tunc ballivis ejusdem Willelmo Bosvile Waldevo Derlinge Thoma Ridell Henrico carnifice Thoma Smale Adamo filio Hugonis Johanne clerico burgensi ejusdem ville et multis alijs Datum apud Roxburgh quinto decimo die mensis Aprilis anno Domini millesimo CCC tricesimo octavo