Charter Document - 07300314
| Charter Number: | 07300314 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1338 - 1342 |
| Date type: | Assigned |
| Resource Link(s): |
|
Charter:
Universis et singulis Christi fidelibus hanc cartam visuris vel audituris Willelmus de Feltoun miles vicecomes de Roxburgh salutem in Domino sempiternam Noverit universitas vestra me divine pietatis intuitu et pro salute anime mee et uxoris mee et pro animabus patris mei et matris mee et omnium antecessorum et successorum meorum dedisse concessisse et hac presenti carta mea confirmasse Deo et ecclesie sancte Marie de Dryburgh et abbati et canonicis ibidem Deo servientibus et inperpetuum servituris illud burgagium quod emi a Thoma dicto Vigurus burgense ville de Roxburgh in vico de Kyngi strete ex parte boriali jacens inter terram quam quondam Hugo dictus Chepman tenuit in feodo ex parte orientali et terram quondam Hutredi Pistoris et nunc Rogeri filij sui ex parte occidentali cum tofto et crofto et ceteris alijs aysiamentis et libertatibus ad dictam terram pertinentibus seu quoquomodo pertinere valentibus una cum decem solidis annuatim de dicta terra propinquius ex occidentali parte solvendis Tenenda et habenda dictis religiosis viris et successoribus suis in liberam puram et perpetuam elemosinam ita libere quiete et pacifice sicut aliqua elemosina ab aliquibus viris religiosis liberius et quietius potest dari vel concedi salvo servicio domini nostri regis si quod debetur de eadem Ego vero dictus Willelmus heredes mei seu assignati dictam terram cum suis pertinentijs ut predictum est contra omnes homines et feminas warantizabimus acquietabimus et defendemus inperpetuum Hijs testibus domino Thoma de Soltre tunc abbate de Melross domino Johanne tunc abbate de Jeddewod domino Roberto de Maneris tunc constabulario castri de Norham domino Adam de Halyburton domino Roberto Coleville militibus Willelmo Bosvile tunc aldermanno de Roxburgh Andree Homyl tunc ballivo ejusdem Richardo de Rotherford domino ejusdem Johanne Burnard domino de Fayringdon Roberto de Wodford domino ejusdem Willelmo dicto Mason Alano de Mindrom burgensi de Roxburgh et multis alijs Ad majorem vero hujus rei securitatem sigilla venerabilium patrum dominorum abbatum de Melros de Jeddewod una cum sigillis Willelmi Bosvile predicti et Andree Homyl et presenti carte mee apponi procuravi