Charter Document - 07300313
| Charter Number: | 07300313 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1338 - 1342 |
| Date type: | Assigned |
| Resource Link(s): |
|
Charter:
Omnibus Christi fidelibus hoc scriptum visuris vel audituris Thomas de Vigurws burgensis de Roxburgh filius et heres quondam Agnetis dicte Maunsell salutem in Domino sempiternam Sciant presentes et futuri quod ego dictus Thomas non vi vel metu coactus sed mea mera et spontanea voluntate dedi concessi et presenti carta mea confirmavi cum bona deliberatione domino Willelmo de Feltoun militi tunc vicecomiti de Roxburgh heredibus suis seu assignatis quibuscunque unum burgagium in villa de Roxburgh in vico de Kingis strete ex parte boreali inter terram quam Hugo dictus Chepman tenuit in feodo ex parte orientali et terram quam Rogerus filius Huthredi Pistoris quondam tenuit in feodo ex parte occidentali et decem solidos annuos de eadem terra dicti Rogeri pro quadam summa pecunie quam dictus dominus Willelmus michi per manibus in mea necessitate plenaria persolvit Tenendum et habendum dictum burgagium cum tofto et crofto ac ceteris singulis libertatibus aysiamentis et pertinentijs dicto domino Willelmo heredibus suis seu assignatis quibuscunque inperpetuum libere quiete et pacifice et honorifice salvo servicio inde debito et consueto Ego vero dictus Thomas heredes mei seu assignati dictum burgagium cum suis pertinencijs ut predictum est et cum dicto annuo redditu dicto domino Willelmo heredibus suis seu assignatis quibuscunque warantizabimus acquietabimus et defendemus inperpetuum Hijs testibus domino Thoma de Soltre tunc abbate de Melros domino Johanne tunc abbate de Jeddewod domino Roberto de Maneris tunc constabulario castri de Norham domino Roberto Colevile militibus Alano de Myndrumtum aldermanno de Roxburgh Bridino dicto Candelaue tunc ballivo ejusdem Willelmo Macone Willelmo de Bosevile Rogero filio quondam Huthredi Pistoris Waldevo Darling Thoma de Rydell Henrico carnifice Thoma Smale Adam filio Hugonis Johanne clerico Johanne Gylruth burgense ejusdem ville Richardo de Routherfurd domino ejusdem Johanne Burnard domino de Faryngdon Roberto de Vodford domino ejusdem Rogero de Aultoun et multis alijs In cujus rei testimonium huic presenti carte mee sigillum meum est appensum una cum sigillo communitatis burgi de Roxburgh