Charter Document - 07300312
| Charter Number: | 07300312 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1296 - 1345 |
| Date type: | Assigned |
| Resource Link(s): |
|
Charter:
Universis Christi fidelibus hanc cartam visuris vel audituris Willelmus de Abrenythe miles filius et heres quondam domini Willelmi de Abrenythe militis salutem in Domino sempiternam Noverit universitas vestra me divine pietatis intuitu dedisse concessisse et hac presenti carta mea confirmasse Deo et ecclesie sancte Marie de Driburgh et abbati et canonicis ibidem Deo servientibus et inperpetuum servituris pro salute anime mee et sponse mee et liberorum meorum et pro animabus patris mei et matris mee et omnium antecessorum et successorum meorum molendinum meum de Ulkestoun in valle de Lawder cum multura et singulis fructibus inde provenientibus seu provenire valentibus in liberam puram et perpetuam elemosinam absque aliquo retene mento tenendum et habendum cum omnibus suis pertinencijs sibi et successoribus suis absque aliquo servicio seculari exactione seu demanda ita libere quiete pure plene et pacifice sicut aliqua elemosina in regno Scocie ab aliquibus viris religiosis liberius tenetur seu possidetur Prefati vero abbas et canonici me et sponsam meam et heredes meos in fraternitatem capituli sui caritative receperunt et participationem missarum et oracionum ceterorumque beneficiorum dicte ecclesie sue nobis graciose concesserunt Ego vero dictus Willelmus heredes mei et mei assignati dictam donationem concessionem et confirmacionem dictis viris religiosis cum suis pertinentijs ut predictum est contra omnes homines et feminas warantizabimus acquietabimus et inperpetuum defendemus Ad majorem vero hujus donacionis concessionis et confirmacionis securitatem huic presenti carte sigillum meum apposui Hijs testibus []