Charter Document - 07300311
| Charter Number: | 07300311 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1300 - 1350 |
| Date type: | Assigned |
| Resource Link(s): |
People of Medieval Scotland |
Charter:
Universis Christi fidelibus hanc cartam visuris vel audituris Johannes de Dunbar filius et heres domini Johannis de Dunbar militis quondam domini de Byrkynside salutem in Domino sempiternam Noverit universitas vestra me dedisse concessisse et hac presenti carta mea confirmasse Deo et ecclesie sancte Marie de Driburgh et abbati et canonicis ibidem Deo servientibus et inperpetuum servituris pro salute anime mee et sponse mee salute animarum patris mei et matris mee et omnium antecessorum et successorum meorum annuatim unam marcam argenti singulis annis de me et heredibus meis inperpetuum percipiendam de firma mea de Byrkenside ad ipsius ecclesie sustentacionem et emendationem in liberam puram et perpetuam elemosinam ita libere et quiete sicut aliqua elemosina in regno Scotie ab aliquibus ecclesiasticis tenetur et possidetur medium ad Penthecosten et medium ad festum sancti Martini in hyeme Canonici vero prenominati caritatis intuitu nos scilicet me sponsam meam et liberos nostros receperunt in fraternitatem et participationem missarum oracionum et aliorum beneficiorum dicte ecclesie sue concesserunt Ego vero dictus Johannes heredes mei et assignati dictam donationem concessionem et confirmationem contra omnes homines et feminas warantizabimus acquietabimus et inperpetuum defendemus In cujus rei testimonium et robur perpetuum presenti carte sigillum meum apposui Testibus []