Charter Document - 07300310
| Charter Number: | 07300310 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1290 - 1368 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs hanc cartam visuris vel audituris Patricius de Dunbar comes Marchie salutem in Domino sempiternam Noverit universitas vestra me divine pietatis intuitu et pro salute anime mee et sponse mee et pro salute animarum patris mei et matris mee et omnium antecessorum et successorum meorum dedisse concessisse et hac presenti carta mea confirmasse Deo et ecclesie sancte Marie de Driburgh et fratribus meis abbati et canonicis ibidem Deo servientibus et inperpetuum servituris totam terram illam que dicitur Venatoris in territorio ville mee de Ercyldon cum omnibus pertinencijs et libertatibus suis proximo adjacentem terre dictorum abbatis et canonicorum ex parte occidentali cum communi pastura ad trecentas oves quatuor boves et quatuor vaccas videlicet ubicumque animalia husbandorum meorum dicte ville de Erfcyldon pascuntur Tenendam et habendam de me et heredibus meis seu assignatis dictis abbati et canonicis in liberam puram et perpetuam elemosinam cum libero introitu et exitu et ceteris communibus aisyamentis predicte ville libere quiete et pacifice inperpetuum absque omni servicio exactione consuetudine seu demanda Ego vero predictus Patricius heredes mei et assignati predictam terram cum ceteris prenominatis ut predictum est dictis abbati et canonicis contra omnes homines et feminas warantizabimus acquietabimus et defendemus inperpetuum Ad majorem vero hujus donacionis concessionis et confirmacionis securitatem presenti carte sigillum meum apposui Testibus []