Charter Document - 07300308
| Charter Number: | 07300308 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1290 - 1368 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Christi fidelibus hanc cartam visuris vel audituris Alexander Purways filius et heres quondam Alani Purwas de Ercildon salutem in Domino sempiternam Noverit universitas vestra me divine pietatis intuitu pro salute anime mee et animarum patris mei et matris mee et omnium antecessorum et successorum meorum de consensu et assensu domini mei domini Patricij de Dunbar comitis de Marchia dedisse concessisse et hac presenti carta mea confirmasse Deo et ecclesie sancte Marie de Dryburgh et canonicis ibidem Deo servientibus et inperpetuum servituris illud messuagium cum crofto quod quondam tenuit Ricardus Dun in boreali parte dicte ville de Ercildon versus orientem vicinius messuagijs husbandorum dicti domini mei cum terra unius husbandi in territorio predicte ville videlicet unam bovata in loco qui dicitur Hwytfyld et aliam bovatam in loco qui dicitur Bromsyde ex parte occidentali ejusdem et in augmentum predicte terre unius husbandi tres acras in loco qui dicitur Quhytlaw et unam acram prati in Pottermedow juxta la Redfurd cum communi pastura cum libero introitu et exitu et ceteris communibus aysiamentis predicte ville quantum pertinet ad tantam terram et cum omnibus pertinencijs et libertatibus ad dictam terram spectantibus seu quoquomodo spectare valentibus Tenendas et habendas predictis canonicis in liberam puram et perpetuam elemosinam absque aliquo retene mento terreno servicio exactione seu demanda libere pure plene et pacifice inperpetuum Ego vero dictus Alexander heredes mei et assignati predictam terram cum omnibus suis pertinencijs ut predictum est prefatis canonicis contra omnes homines et feminas warantizabimus acquietabimus et inperpetuum defendemus In cujus rei testimonium presentem cartam sigilli mei apposicione roboravi Testibus []