Charter Document - 07300304
| Charter Number: | 07300304 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1273 - 1346 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs hanc cartam visuris vel audituris Willelmus de Abrenythie dominus de Saultone salutem in Domino sempiternam Noverit universitas vestra me divine pietatis intuitu et pro salute anime mee et sponse mee et pro salute patris mei et matris mee et omnium antecessorum et successorum meorum dedisse concessisse et hac presenti carta mea confirmasse Deo et ecclesie sancte Marie de Driburgh et abbati et canonicis ibidem Deo servientibus et inperpetuum servituris totum illud messuagium cum bracena quod quondam tenuit Willelmus dictus Wolf in villa de Saulton quod jacet propinquius juxta grangiam dictorum religiosorum ex parte occidentali et septem acras terre arabiles proximo adjacentes crofto eorundem religiosorum ex parte orientali et cum pastura ad octo boves duas vaccas et duos averios cum husbandis meis et cum focali in mora mea quantum sufficit uni husbando Tenenda et habenda de me et heredibus meis dictis abbati et canonicis in liberam puram et perpetuam elemosinam et in terram ecclesiasticam libere quiete plenaria pacifice et honorifice inperpetuum cum libero introitu et exitu absque aliquo terreno servicio consuetudine exactione seu demanda Confirmo eciam pro me et heredibus meis dictis religiosis omnes donaciones terrarum quas libere tenent in tenemento de Saultoune et quatuor acras terre ex dono Johannis Burgilloune de Saultoune jacentes inter dictas septem acras terre quas dictis viris religiosis dedi inperpetuum Volo etiam et concedo pro me et heredibus meis ut dicti abbas et canonici totam terram predictam tam ex dono meo quam aliorum in tenemento meo de Saulton cum messuagio bracena pastura prenotata et focali in mora mea adeo liberam teneant et possideant et absque aliqua prestacione multure inperpetuum sicut aliqui religiosi aliquam elemosinam in regno Scocie liberius aut quietius tenent vel possident Ego vero Willelmus de Abrenythi et heredes mei dictis abbati et canonicis de Driburgh totam dictam terram cum messuagio et alijs prenominatis in omnibus ut predictum est contra omnes homines et feminas warantizabimus acquietabimus et perpetuo defendemus Ad majorem hujus donacionis concessionis et confirmacionis securitatem presenti carte sigillum meum apposui Hijs testibus []