Charter Document - 07300303

Omnibus sancte matris filijs hanc cartam visuris vel audituris Henricus de Aynestrother dominus ejusdem salutem in Domino sempiternam Noverit universitas vestra me divine caritatis intuitu et pro salute anime mee et pro salute animarum patris mei et matris mee et omnium antecessorum et successorum meorum dedisse concessisse et hac presenti carta mea confirmasse Deo et ecclesie sancte Marie de Dryburcht et religiosis viris abbati et canonicis ordinis Premonstratensis ibidem Deo servientibus et inperpetuum servituris unum messuagium cum gardino et cum una acra terre in dicto tenemento meo de Aynstrother quod messuagium cum gardino et cum dicta acra terre quondam tenuit de me quidam dictus Johannes Thaswynne inter terram quam tenuit Andreas de Aula ex parte occidentali et viridarium de Aynstrother ex parte orientali dicte ville tenendum et habendum dictis abbati et canonicis de me et heredibus meis seu assignatis in liberam puram et perpetuam elemosinam libere et quiete inperpetuum absque aliquo terreno servicio consuetudine auxilio exactione seu demanda cum omni [communi] pastura ad quatuor vaccas cum sequacibus et ad unum equum vel ad viginti quinque oves et cum omnibus aysiamentis dicte ville ad tantam terram pertinentibus vel quoquomodo pertinere valentibus Ego vero dictus Henricus et heredes mei seu assignati dictam donacionem et confirmacionem meam ut predictum est contra omnes homines et feminas warantizabimus acquietabimus et defendemus inperpetuum Ut autem hec mea donacio concessio et confirmacio robur perpetue firmitatis optineat presentem cartam sigilli mei appositione roboravi Hijs testibus domino Jacobo episcopo sancti Andree domino Johanne priore ejusdem dominis Willelmo Olyfant Johanne de Dundemore Patricio de Poulworth militibus Thoma de Balcasky Laurencio de Wynmerston Waltero de Carale Henrico Herwart et multis alijs