Charter Document - 07300302
| Charter Number: | 07300302 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1220 - 1288 |
| Date type: | Assigned |
| Resource Link(s): |
|
Charter:
Universis Christi fidelibus hanc cartam visuris vel audituris Henricus de Aynestrother dominus ejusdem salutem in Domino sempiternam Noverit universitas vestra me divine pietatis intuitu et pro salute anime mee et Matyldis quondam sponse mee et pro salute animarum patris mei et matris mee et omnium antecessorum et successorum meorum dedisse concessisse et hac presenti carta mea confirmasse Deo et ecclesie beate Marie de Dryburgh et religiosis viris abbati et canonicis Premonstratensis ordinis ibidem Deo servientibus et inperpetuum servituris tres bothas in orientali parte dicte ville mee de Aynestrother quas quidem bothas habuerunt ibidem in donacione et confirmacione Henrici et Willelmi quondam predecessorum meorum ab antiquo tenendas et habendas dictis viris religiosis de me et heredibus meis seu assignatis in puram et perpetuam elemosinam libere et quiete inperpetuum absque aliquo terreno servicio consuetudine auxilio exactione seu demanda Ego igitur dictus Henricus et heredes mei seu assignati dictam donacionem et confirmacionem meam ut predictum est contra omnes homines et feminas warantizabimus acquietabimus et defendemus inperpetuum Ut autem hec mea donatio concessio et confirmatio perpetue firmitatis robur obtineat presentem cartam sigilli mei impressione roboravi Hijs testibus dominis Thoma Rynulphy comite Moravie David de Wemys domino ejusdem Willelmo Oliphanti Willelmo de Dyffingtoun Johanne de Dundemore Alexandro de Fentoun militibus David domino de Caplawhy Waltero de Carale Laurencio de Wynnerstoun Henrico Herwart Michaele de Kyrkintolawh et multis alijs