Charter Document - 07300301
| Charter Number: | 07300301 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1270 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs hanc cartam visuris vel audituris Henricus Stylle de Saulton salutem in Domino sempiternam Noverit universitas vestra me divine caritatis intuitu et pro salute anime mee et uxoris mee et pro salute animarum patris mei et matris mee et omnium antecessorum et successorum meorum ex licencia domini mei domini Willelmi de Abrenythy dedisse concessisse et hac presenti carta mea confirmasse Deo et ecclesie sancte Marie de Dryburgh et abbati et canonicis ibidem Deo servientibus et inperpetuum servituris totam illam terram scilicet unam acram et quatuor rode fallas quam habui adjacentem inter illas septem acras terre quas dominus Willelmus de Abrenythi dictis abbati et canonicis de Dryburcht dedit et perpetuo confirmavit videlicet proximo juxta croftum dictorum religiosorum ex orientali parte versus viam que ducit apud Hadington tenendam et habendam dictis abbati et canonicis in liberam puram et perpetuam elemosinam libere quiete plenaria et pacifice absque ali quali terreno servicio auxilio consuetudine seu demanda inperpetuum Ego vero Henricus et heredes mei seu assignati dictis abbati et canonicis de Dryburgh dictam acram terre cum quatuor rode fallas contra omnes et homines et feminas warantizabimus acquietabimus et inperpetuum defendemus Ad majorem hujus donacionis securitatem presenti carte sigillum meum apposui et sigillum Thome de Leys tunc ballivi de Sawlton apponi eidem procuravi Hijs testibus []