Charter Document - 07300299
| Charter Number: | 07300299 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1332 - 1338 |
| Date type: | Assigned |
| Resource Link(s): |
|
Charter:
Omnibus sancte matris ecclesie filijs hanc cartam visuris vel audituris Andreas de Moravia panetarius Scocie salutem in Domino sempiternam Noverit universitas vestra me divine pietatis intuitu et pro salute anime mee et Cristiane sponse mee et pro salute animarum patris mei et matris mee et omnium antecessorum et successorum meorum dedisse concessisse et hac presenti carta mea confirmasse Deo et ecclesie sancte Marie de Driburgh et abbati et canonicis ibidem Deo servientibus et inperpetuum servituris unam plenarium carucatam terre quam clamabant tenere de antecessoribus meis in tenemento de Smalhame cum tofto et crofto liberam ab omni prestatione multure cum omnibus pascuis ad trecentas oves et cum libero introitu et exitu ad communem pasturam dicti tenementi cum eisdem ovibus tenendam et habendam dictis abbati et canonicis in liberam puram et perpetuam elemosinam ita libere quiete plenaria pacifice et honorifice inperpetuum absque omni terreno servicio auxilio consuetudine ex actione seu demanda sicut aliqui viri religiosi aliquam elemosinam in regno Scotie liberius aut quietius tenent vel possident Istam autem elemosinam dedi concessi et confirmavi dictis abbati et canonicis pro me et heredibus meis inperpetuum absque alicujus rei temporalis exigentia libere et plenaria et ego dictus Andreas de Moravia heredes mei seu assignati dictis abbati et canonicis de Dryburgh totam predictam terram [cum] libertate multure communibus pascuis et libero introitu et exitu ad dictas trecentas oves ut predictum est contra omnes homines et feminas warantizabimus acquietabimus et defendemus inperpetuum Ad majorem hujus donationis et confirmationis securitatem presenti carte sigillum meum apposui Testibus []