Charter Document - 07300296
| Charter Number: | 07300296 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1309 - 1323 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus [] Walterus senescallus Scotie salutem in Domino sempiternam Noverit universitas vestra me divine pietatis intuitu dedisse concessisse et hac presenti carta mea confirmasse Deo et ecclesie sancte Marie de Driburgh et abbati et canonicis ibidem Deo servientibus et inperpetuum servituris ordinis Premonstratensis jus patronatus ecclesie de Maxtoun dioecesis Glasguensis tenendum et habendum in puram et perpetuam elemosinam sibi et successoribus suis pro salute anime mee et uxoris mee et pro salute animarum patris mei et matris mee et omnium antecessorum et successorum meorum cum terra ecclesiastica ejusdem et in augmentum ecclesiastice terre quatuor acras terre in loco qui dicitur Louecrofte et cum omnibus alijs aisiamentis et libertatibus aliquo tempore ad eandem pertinentibus vel quoquomodo pertinere valentibus ita libere quiete et plenaria sicut aliquis patronus in regno Scotie aliquod jus patronatus alicui ecclesie vel viris religiosis aliquibus liberius quiecius aut plenarius conferre potest Ego vero dictus Walterus et heredes mei predictam donationem meam prefatis abbati et canonicis de Driburgh contra omnes homines et feminas warantizabimus acquietabimus et defendemus inperpetuum Ut autem hec mea donacio concessio voluntas et confirmacio robur optineat perpetue firmitatis presentem cartam sigilli mei appositione roboravi Hijs testibus []