Charter Document - 07300295
| Charter Number: | 07300295 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1296 |
| Date type: | Assigned |
| Resource Link(s): |
People of Medieval Scotland |
Charter:
Universis et singulis sancte matris ecclesie filijs hoc presens scriptum visuris vel audituris Johannes Gyffard dominus de Yester salutem in Domino sempiternam Noverit universitas vestra me divine pietatis intuitu pro salute anime mee ac sponse mee et pro animabus patris mei et matris mee et omnium antecessorum et successorum meorum concessisse et dedisse et hac mea carta confirmasse Deo et ecclesie beate Marie de Dryburgh et canonicis ibidem Deo servientibus et inperpetuum servituris unam dimidiam marcam argenti annui redditus in villa de Bothanis videlicet in illa terra quam Johannes dominus de Leys tenet de me et heredibus meis in dicta villa de Bothanis annuatim ad duos anni terminos scilicet ad festum Penthecosten et ad festum sancti Martini in hieme in puram et perpetuam elemosinam percipiendam ita libere et quiete sicut aliqua elemosina infra regnum Scocie liberius aut quietius aliquibus viris religiosis conceditur aut possidetur Ego etiam dictus Johannes et heredes mei vel assignati dictam elemosinam dictis religiosis contra omnes homines et feminas warantizabimus acquietabimus et defendemus Hijs testibus []