Charter Document - 07300292

Universis sancte matris ecclesie filijs ad quos presens scriptum pervenerit Johannes Dei gracia prior sancti Andree et ejusdem loci conventus in Scocia eternam in Domino salutem Noverit universitas vestra nos divine pietatis intuitu concessisse et auctoritate capituli nostri confirmasse abbati et canonicis de Dryburgh ordinis Premonstratensis omnes ecclesias suas et omnes terras suas et redditus et omnes possessiones suas quas in dioecesi sancti Andree priorum regum Scocie largitate vel episcoporum aut ceterorum Dei fidelium collacione juste et pie in presenti possident vel Deo propiciante in futuro poterunt adipisci in puram et perpetuam elemosinam integre et illibate perpetuo possidendas et has proprijs vocabulis exprimimus videlicet ecclesiam de Mertona cum terra adjacente et omnibus pertinencijs suis ecclesiam de Chyldenkirk cum terra adjacente et omnibus pertinencijs suis ecclesiam de Laweder cum terra adjacente et omnibus pertinencijs suis ecclesiam de Saweltona cum terra adjacente et omnibus pertinencijs suis ecclesiam de Golynne cum terra adjacente et omnibus pertinencijs suis ecclesiam de Kilrethny cum omnibus pertinencijs et rectitudinibus suis dimidiam carucatam terre in Petcorthy et terram de Innergelly sicut in carta domini Willelmi Dei gratia episcopi sancti Andree plenius continetur unum ple num toftum in Karale tres bothas in Aynstrother unam marcam de Priore de Pettinweme et Stodfald cum terra adjacente et omnibus pertinencijs suis et octo solidos in villa de Dyrltoun et octo solidos de monialibus de Berwic et dimidiam marcam in Dunbar et viginti solidos in villa de Hadingtoun et Langlaw per rectas divisas suas et grangiam de Snawdoun cum suis rectis divisis et omnibus pertinencijs suis et terram de Sampsonschelis et [cum] prato et omnibus pertinencijs suis et grangiam de Cadisley per rectas divisas et metas suas et duas bovatas terre in territorio de Hercyldon et unam acram terre in territorio de Fawnys cum petarijs et unam acram terre in territorio de Naythanthern et dimidiam marcam de monialibus de Ecclis pro terra de Hunterodys et terram de Brothirstanys cum pertinencijs suis unam carucatam terre in territorio de Smalehame boscum de Gledyswod cum terra adjacente et lacum de Mertona et duas bovatas terre in territorio de Bemirside cum Threpwood et unam acram terre in territorio de Newton viginti solidos in villa de Edynhame dimidiam marcam in villa de Berwyk de terra Jacobi Lang et piscationes de Berwyk et duo burgagia in villa de Lawder et decimas molendinorum de Sawlton et Aldinston de Wlkestoun de Thirlestane de Lawder unam marcam in molendino de Byrkynside et decimas molendinorum de Newton et de Naythentharne et duas marcas de dono domini Willelmi de Abrenythi in molendino de Wlkeston Volumus autem et concedimus ut prefata beneficia tam ecclesiastica quam mundana ita libere quiete et plenaria in usus proprios perpetuo teneant et possideant sicut aliqua elemosina in regno Scotie ab ali quibus viris religiosis in puram et perpetuam elemosinam plenius et liberius tenetur aut possidetur salvo jure episcopali Ad majorem vero predicte domus reverenciam et quietem nos servorum Dei volentes devocioni satisfacere pacem ecclesiasticam in terris libere elemosine sue firmiter observandam statuimus sub interminatione anathematis inhibentes ne quis ausu temerario infra crucem quam ad orientem metarum suarum erexerunt et sic ascendendo usque ad vadum de Twed quod vocatur Monkisfurd hominem capere verberare furtum seu rapinam facere ignem apponere vel aliquam violenciam inferre presumat si [quis] contra hanc constitutionem temere presumpserit venire indignationem Dei omnipotentis et beate Virginis Marie et sanctorum apostolorum Andree et Johannis se noverit incursurum nisi secundo tertiove commonitus reatum suum digne satisfaciendo emendaverit cunctis autem prefate domui pacem et sua jura ad integrum servantibus largam Dei et sanctorum ejus benedictionem et nostram devote participamus Ut autem hec confirmatio nostra robur perpetue firmitatis optineat eam sigillo capituli nostri duximus roborandam Hijs testibus domino Willelmo Dei gratia sancti Andree episcopo magistro Roberto de Lamberton archidiacono sancti Andree magistro Willelmo de Eglishame archidiacono Laudonie magistro Adam de Moravia magistro Johanne de Kynkell et multis alijs