Charter Document - 07300291

Willelmus de Lamberton permissione divina ecclesie sancti Andree minister humilis universis sancte matris ecclesie filijs ad quos presentes litere pervenerint eternam in Domino salutem Cum ea que ad virorum religiosorum sustentacionem a fidelibus Dei devote collata sunt multorum perversitas non sine gravi peccato minuere auferre vel perturbare impudenter non timeat summo opere ipsos ecclesie pastores decet malorum incursus vigilanter providendo precavere et si quid crudeliter aut temere in servos Dei presumptum fuerit gladium Spiritus cum Petro viriliter et secundum canones fideliter exercere Quod nobiscum crebro et solicite pertractantes religiose etiam conversacionis canonicorum de Driburgh ordinis Premonstratensis odore provocati ecclesiam sancte Marie et sancti Johannis evangeliste ibidem factam et fratres in ea Deo servientes in beati Andree apostoli et nostra protectione suscipimus et presentis scripti communimus Preterea quoscunque redditus quascunque possessiones quecunque bona in dioecesi nostra piorum regum Scotie largitate vel predecessorum nostrorum aut ceterorum Dei fidelium collacione juste et pie in presenti possident vel Deo propiciante in futuro poterint adipisci usibus et necessitatibus eorum integre et illibate perpetuo et profutura et possidenda auctoritate episcopali confirmamus et hec proprijs vocabulis exprimimus videlicet ecclesiam de Mertoun cum terra adjacente et omnibus pertinencijs suis ecclesiam de Childenkyrk cum terra adjacente et omnibus pertinencijs suis ecclesiam de Saweltoun cum terra adjacente et omnibus pertinencijs suis ecclesiam de Laweder cum terra adjacente et omnibus pertinentijs suis ecclesiam de Golyne cum terra adjacente et omnibus pertinentijs suis ecclesiam de Kilrethny cum omnibus pertinencijs et rectitudinibus suis dimidiam carucatam terre in Petcorthy et terram de Innergelly unum plenum toftum in Karale tres bothas in Anystrothir unam marcam de Priore de Petinweme et Stodfald cum terra adjacente et pertinencijs suis et octo solidos in villa de Dyrltoun et octo solidos de monialibus de Suthberwyk et dimidiam marcam in Dunbar et viginti solidos in villa Hadingtoun et Langelawe per rectas divisas suas et grangiam de Snawdoun cum suis rectis divisis et omnibus pertinencijs suis et terram de Sampsonschelis cum prato et omnibus pertinencijs et grangiam de Cadisley per rectas divisas et metas suas et duas bovatas terre in territorio de Hersildoun et unam acram terre in territorio de Fawnis cum petarijs et unam acram terre in territorio de Nathantharin et dimidiam marcam de monialibus de Ecclys pro terra de Hunterode et terra de Brothyrstanys cum pertinencijs suis unam carucatam terre in territorio de Smailham boscum de Gledyswode cum terra adjacente et lacum de Mertoun et duas bovatas terre in territorio de Bemirside cum Threpwode et unam acram terre in territorio de Newtoun viginti solidos in villa de Edynham dimidiam marcam in villa de Berwyk de terra Jacobi Layng et piscationes de Berwyk et duo burgagia in villa de Laweder et decimas molendinorum de Sawelton de Auldston de Wlkestoun de Thirlstan de Laweder unam marcam de molendino de Byrkynside et decimas molendinorum de Newtoun et de Naythanthirn et duas marcas de dono domini Willelmi Abirnethi in molendino de Wlkeston Volumus autem et concedimus ut prefata beneficia tam ecclesiastica quam mundana ita libere quiete et plenaria in usus proprios perpetuo teneant et possideant sicut aliqua elemosina in regno Scotie ab aliquibus viris religiosis in puram et perpetuam elemosinam plenius et liberius tenetur aut possidetur salvo jure episcopali Ad majorem vero predicte domus reverenciam et quietem nos servorum Dei volentes devotioni satisfacere pacem ecclesiasticam in terris libere elemosine sue firmiter servandam statuimus sub interminatione anathematis inhibentes ne quis ausu temerario infra crucem quam ad orientem metarum suarum erexerunt sic ascendendo usque ad vadum de Twed quod vocatur Monkissurde hominem capere verberare furtum seu rapinam facere ignem apponere vel aliquam violenciam inferre presumat Quod si quis contra hanc institucionem temere venire presumpserit indignationem Dei omnipotentis et beate Virginis Marie et sanctorum apostolorum Andree et Johannis se noverit incursurum nisi secundo tertiove commonitus reatum suum digne satisfaciendo emendaverit cunctis autem prefate domui pacem et sua jura ad integrum servantibus largam Dei et sanctorum ejus benedictionem et nostram devote participamus Ut autem hec concessio nostra robur perpetue firmitatis optineat eam sigilli nostri munimine duximus roborandam Hijs testibus magistro Roberto de Lamberton archidiacono sancti Andree magistro Willelmo de Eglisham archidiacono Laudonie magistro Adam de Moravia magistro Johanne de Kinkell et multis alijs