Charter Document - 07300286
| Charter Number: | 07300286 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1255 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Alexander de Wallibus salutem in Domino sempiternam Noveritis quod cum venerabi lis in Christo pater David Dei gratia episcopus sancti Andree consencientibus viris religiosis abbati et conventui de Driburgh cantariam capelle a predecessoribus meis fundate in villa de Dirltoune concesserit ego indemnitati matricis ecclesie de Golyn volens in omnibus providere promitto pro me et heredibus meis quod omnes et omnimodas obvenciones ad dictam capellam provenientes inperpetuum faciemus fideliter et integre ad matricem ecclesiam deferri et quicunque in dicta capella ministraverit antequam ministret fidelitatem canonico jurabit qui in dicta ecclesia pro tempore ministrabit quod si aliquod dampnum per dictam capellam matrici ecclesie fuerit irrogatum volo quod canonicus qui in eadem ministrabit potestatem habeat dictam capellam suspendendi quoadusque dictum dampnum plenaria resarciatur In cujus rei testimonium presenti scripto sigillum meum apposui Hijs testibus domino Roberto de Keth domino Henrico de sancto Claro domino Willelmo de Fentoun domino Johanne de Fentoun domino Alexandro de Setoun militibus Willelmo de Congiltoun Roberto filio Adam de Dyrltoun Willelmo Surthus Patricio de Hirdmanstoune Nicholaio de May cum multis alijs