Charter Document - 07300284

Omnibus sancte matris ecclesie filijs hanc cartam visuris vel audituris Johannes Mautland dominus de Thirlaston filius et heres Roberti Mautland quondam domini ejusdem salutem in Domino sempiternam Noverit universitas vestra me divine caritatis intuitu et pro salute anime mee et Felicis sponse mee et pro salute animarum patris mei et matris et omnium antecessorum meorum dedisse concessisse et hac presenti carta mea confirmasse Deo et ecclesie sancte Marie de Driburgh et abbati et canonicis ibidem Deo servientibus et inperpetuum servituris Totam terram de Snawdoun infra divisas et merchias subscriptas videlicet Incipiendo sicut Bukslad cadit in rivulum qui vocatur Houbeuchew et sic ascendendo per medium Bukslad versus occidentem usque ad Rauphysrohd et sic per Rauphysrohd ex transverso versus borealem inter terras husbandorum de Thirlstane et Clottyside et sic usque ad Hayldford quod jacet ad occidentalem partem de Clottyside et sic de Hayldford ascendendo per le Grynegheat inter Flexwelleys et Fausyd et sic ascendendo per illud Greynegheat quod ducit versus Egrohp usque ad Staynlaw apud le Halfakyrhevedys et sic ex transverso versus orientem usque ad Knolestruthyr et sic per Knolestruthyr usque ad Ryhardheved et sic per Ryhardheved usque ad altam viam que ducit de Egrohp ad Snadown et sic de alta via illa per Houbeuchouside usque ad Standandstayn et sic descendendo per Houbeuchouside usque in rivulum de Houbeuchow et sic per illum rivulum de Houbeuchow descendendo usque ad Bukslad ubi cadit in Howbeuchow Tenendam et habendam dictis abbati et canonicis totam terram predictam de Snawdoun in libe ram puram et perpetuam elemosinam libere quiete plenaria pacifice et honorifice inperpetuum absque omni terreno servicio auxilio consuetudine exactione demanda in boscis et planis pratis et pascuis in moris et mariscjs in petarijs et aquis in stagnis et pasturis et in omnibus communibus aysiamentis et libertatibus tam nominatis quam non nominatis ad villam meam de Thirlstan pertinentibus Quare volo et concedo pro me et heredibus ut dicti abbas et canonici et homines sui infra dictas terras manentes teneant et possideant omnes dictas terras de Snawdown in omnibus et singulis aysiamentis et libertatibus ut predictum est adeo libere et quiete integre et pacifice sicut aliqui religiosi aliquam elemosinam in regno Scocie liberius aut quietius tenent vel possident aut tenere poterint vel possidere una cum libero introitu et exitu per totam terram meam de Thirlstane cum cariagijs et alijs rebus suis exceptis terris feminatis et pratis non falcatis Istam autem elemosinam dedi concessi et confirmavi dictis abbati et canonicis pro me et heredibus meis inperpetuum libere et quiete absque rei temporalis aliqua exigencia Et ego Johannes Mautland dominus de Thirlastane et heredes mei dictis abbati et canonicis de Dryburgh totam dictam terram de Snawdoun cum omnibus libertatibus aysiamentis et pertinentijs suis in omnibus et singulis ut predictum est contra omnes homines et feminas warantizabimus acquietabimus et defendemus inperpetuum Hujus donationis concessionis et confirmationis ad majorem securitatem presenti carte mee sigillum meum apposui Hijs testibus Dominis Roberto de Keith Johanne filio comitis de Dunbar Henrico de Haliburton Adam de Gordon Edwardo de Letham Willelmo de Abyrnythy militibus Willelmo de Pilmur Alano Willelmo Longo de Lawedyr Archibaldo de Ernysclucht Johanne de Haga Johanne de Clapam de Trebrune Roberto de Laweder Henrico Skorer Radulpho Monypenny Thoma Bell Alano Bell Johanna Calshyrd Alano Fabro de Thrylstane et alijs