Charter Document - 07300283
| Charter Number: | 07300283 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1306 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Johannes de Sandele camerarius Scocie preposito et ballivis ville de Rogesburgh salutem Quia constat nobis tam per inspectionem cartarum quam rotulorum bone memorie domini Alexandri quondam regis Scottorum quod abbas et conventus sancte Marie de Driburgh habere et percipere debent singulis annis pro luminari ecclesie predicte viginti solidos de exitibus firmarum ville vestre quos ex concessione regum predecessorum domini nostri regis terre sue Scocie retroactis temporibus dictis abbati et conventui de firmis ville predicte hactenus solvi consueverunt vobis ex parte domini nostri regis precipiendo mandamus quatinus eisdem abbati et conventui dictos viginti solidos de exitibus firmarum ville vestre predicte solvi annis singulis faciatis terminis statutis et consuetis et nos dictam solucionem annuatim in vestris compotis annuatim allocare faciemus In cujus rei testimonium literas nostras vobis fieri fecimus has patentes Datum apud Berwik super Twedam xxix die Januarij anno regni domini nostri regis xxxiiij