Charter Document - 07300276
| Charter Number: | 07300276 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocencius episcopus servus servorum Dei venerabili fratri episcopo Dunkeldensi et dilectis filijs Abbati de Dunfermling sancti Andree dioecesis et Priori sancti Andree salutem et apostolicam benedictionem Paci et tranquillitati dilectorum filiorum abbatis et conventus monasterij de Driburgh Premonstratensis ordinis sancti Andree dioecesis ac eorundem monasterij paterna volentes inposterum solicitudine providere eis duximus indulgendum ut ad receptionem vel provisionem alicujus in pensionibus ecclesiasticis compelli auctoritate sedis apostolice vel legatorum ipsius minime teneantur absque speciali mandato sedis ejusdem faciente de nostra indulgencia mentionem ideoque discretioni vestre per apostolica scripta mandamus quatinus dictum abbatem non permittatis super hijs contra concessionis nostre tenorem ab aliquibus indebite molestari molestatores ejusmodi per censuram ecclesiasticam appellatione postposita compescendo Quod si non omnes hijs exequendis potueritis interesse tu frater Episcope cum eorum altero ea nihilominus exequaris Datum Lugduni x kalendas Aprilis pontificatus nostri anno tercio