Charter Document - 07300275
| Charter Number: | 07300275 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1229 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Gregorius servus servorum Dei venerabilibus fratribus sancti Andree Glasguensis et Candidecase episcopis salutem et apostolicam benedictionem Significantibus dilectis filijs abbate et conventu de Driburgh Premonstratensis ordinis ad majorem noveritis audientiam pervenisse quod cum ipsis a fede apostolica sit indultum ut de novalibus que proprijs manibus aut sumptibus excolunt sive de ortis et virgultis ac piscationibus suis vel de suorum animalium nutrimentis nullus ab eis decimas exigere vel extorquere presumat quidam in vestris dioecesibus constituti suo nimis inherentes ingenio nimium que voluntarij interpretes concilij generalis dum sanctionum sensum legitimum ad sua bona non habent ad commodum superinducunt adulterum intellectum dicentes quod hec non debent nec possunt intelligi nisi de hijs que sunt ante predictum consilium acquisita et super hoc eos multiplicata fatigatione aggravant et molestant Quare a nobis humiliter postulabatur ut quieti eorum salubriter providentes vobis qui dioecesani molesta torum existitis predictorum literas nostras super hoc dirigere dignaremur Nos igitur premissorum abbatis et fratrum gravaminibus quantum cum Deo et honestate possumus precavere volentes universitati vestre per apostolica scripta man damus atque precipimus quatinus ipsos super prestatione decimarum de novalibus sive ante sive post idem consilium acquisitis que proprijs manibus aut sumptibus excolunt necnon et ortis et virgultis et piscationibus suis vel de suorum animalium nutrimentis non permittatis a quoquam ita quod qui libet vestrum in sua dioecesi contra indulgentie memorate tenorem indebite molestari contradictores per censuram ecclesiasticam appellatione postposita compescendo Datum Perusij vi idus Maij pontificatus nostri anno tertio