Charter Document - 07300273
| Charter Number: | 07300273 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1229 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Gregorius episcopus servus servorum Dei dilectis filijs abbati et conventui de Driburgh Premonstratensis ordinis salutem et apostolicam benedictionem Ea que judicio et concordia terminantur firma debent et illibata persistere et ne in recidive contentionis scrupulum relabantur apostolico convenit presidio communire Ea propter dilecti in Domino filij vestris justis poftu lationibus grato concurrentes assensu compositionem que inter vos ex una parte et abbatem et conventum de Jeddeworth Glasguensis dioecesis ex altera super ecclesia de Lessedewyn mediantibus venerabili fratre nostro episcopo Glasguensi et collegis ipsius amicabiliter intervenit sicut rite ac sine pravitate provide facta est et ab utraque parte sponte recepta et hactenus conservata auctoritate apostolica confirmamus et presentis scripti patrocinio communimus Nulli ergo hominum liceat hanc paginam nostre confirmationis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Perusij iij idus Aprilis pontificatus nostri anno tertio