Charter Document - 07300269
| Charter Number: | 07300269 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1229 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Gregorius episcopus servus servorum Dei dilectis filijs abbati et conventui de Driburgh Premonstratensis ordinis salutem et apostolicam benedictionem Ea que judicio vel concordia terminantur firma debent et illibata consistere et ne in recidive contentionis scrupulum relabantur apostolico convenit presidio communiri Exhibita nobis vestra peticio continebat quod cum inter vos ex una parte et Priorissam et moniales de Suthberwic sancti Andree dioecesis ex altera super jure patronatus ecclesie de Golyn questio verteretur tandem mediante dilecto filio Jacobo capellano nostro tunc apostolice sedis legato amicabilis inter partes compositio intervenit quam apostolico petivisti munimine roborari Ea propter dilecti in Domino filij vestris justis postulacionibus gratum impertientes assensum compositionem ipsam sicut rite et sine pravitate provide facta est et ab utraque parte sponte recepta et in literis inde confectis plenius continetur auctoritate apostolica confirma mus et presentis scripti patrocinio communimus Nulli ergo hominum liceat hanc paginam nostre confirmationis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Perusij iij kalendas Aprilis pontificatus nostri anno tertio